Alberta Casey: Malsamoj inter versioj

'''Alberta Casey''' estis [[usona esperantistino]] kaj muzikistino en [[San Diego]], [[Kalifornio]]. Laŭ propraj informoj en la retejo ''linkedin'', ŝi studis violonon kaj kantadon en la Muzika Instituto de [[Saint Louis]] de 1941 ĝis 1944, kaj ekde 1950 studis en la Universitato de San Diego.<ref>[https://www.linkedin.com/in/alberta-casey-bb7b4636 persona profilo de ŝi en la profesi-kontakta retejo ''linkedin'']</ref> En 1977 ŝi publikigis vinildiskon de esperantlingvaj kantoj je la titolo ''De mi al vi'' (en 1990 eldonita ankaŭ kiel muzikkasedo), en 1981 sekvis dua vinildisko kaj muzikkasedo de esperantlingvaj kantoj je la titolo ''San Diego vokas'', kaj en 1998 tria kolekto de esperantaj kantoj je titolo ''Estu sur tero pac’'' sur [[lumdiskego]]. Ŝia kantado estis memfida, kvankam kun signifa usonangla akcento, kio ĉe iuj aŭdantoj provokis iom da moko.<ref name="ELNA-AlbertaCasey"/> Laŭ la biografiaj informoj de la paĝo en la retejo ''linkedin'' ŝi estis membro de UEA ekzakte ''de januaro 1975 ĝis junio 2003 (28 jarojn kaj 6 monatojn)''. Oficiala referenco pri morto de ŝi ĝis nun ne estis trovata, sed la tiom ekzakta nomigo pri fino de ŝia UEA-membreco meze de kalendara jaro povas esti indiko ke ŝi eble mortis en junio 2003. Ĉiukaze ŝi devis esti almenaŭ 18-jara, probable pli, kiam ŝi ekstudis en la Muzika Instituto de Saint Louis.