Saveno: Malsamoj inter versioj

'''Saveno''' aŭ '''Samono''' ([[angla lingvo|angle]] '''Samhain''') estas kelta novjara festo kiu komenciĝas je la vespero de la 31-a de oktobro. Oni festis la transiron de la somera periodo al la komenco de la vintro. Dum tiu nokto laŭ la [[druido]]j la mondo de la spiritoj kaj de la materiaĵoj estas plej proksimaj unu al la aliaj, tiel ke eĉ transiro de unu al la alia facile eblas.

La nomo '''Samhain''' (prononco: /sˠaunʲ/) estas [[Irlanda lingvo|irlanda]] vorto por la monato [[novembro]]. Ĝi povus signifi "fino de la somero". Enmigrintoj kunportis la vorton ankaŭ al Skotlando; en la [[skotgaela lingvo]] novembro nomiĝas ''Samhuinn''. En sia romano [[La ŝtona urbo|''La ŝtona urbo'']] Anna Löwenstein nomis tiun feston '''Samono''', surbaze de ĝia nomo en la pra-kelta lingvo. La formo '''Saveno''' estas bazita sur la prononco en la modernaj keltaj lingvoj.