Vikipedio:Respondoj al kritikoj/broken
Kio ĉagrenis min estas la ideo ke post granda zorgo konstrui artikolon, eblas ke aliaj tute fuŝos ĝin. Do se oni volas partopreni gravas konscii pri tio kaj registri en sia komputilo artikolojn faritajn de si mem por ne riski perdi sian tempon.
- Nu, eble vi ne jam konas la sistemon tre bone. La vikipedio konservas ĉiun ŝanĝon dum 90 tagoj, do se oni fuŝas artikolon, oni povas reveni al pli malnova versio. Oni povas klaki "Rigardu aliajn reviziojn" kaj vidi ĉiun version de iu artikolo. Ankaŭ, oni povas klaki "(malsamoj)" kaj vidi kio ŝanĝiĝis en la paĝo. Krome, ĉiuj rigardadas la paĝon Lastaj Ŝanĝoj, do stultaĵoj ne okazus.
- La angla vikipedio havas homojn kiuj provas fuŝi artikolojn, sed aliaj homoj vidas tion, kaj korektas ĝin. Mi eĉ vidis grandan atakon kiam malbonulo fuŝis 50 anglajn artikolojn en la paĝo Lastaj Ŝanĝoj (per aŭtomata programo), kaj post 10 minutoj de helpo de la komunumo, ĉio bonis denove. Krome, se oni nur havas retpaĝon, neniu povas plibonigi viajn informojn. En la vikipedio, se oni vidas eraron, oni povas korekti ĝin tuj.
Se temas pri politiko aŭ religio, ofte okazas, ke personaj sentoj enmiksiĝas. Tio malbonigus la vikipedion, ĉu ne?
- Tial ni laboras laŭ neŭtrala vidpunkto. Homoj devas skribi faktojn, ne opiniojn. Se estas opinioj, ni forigas tiujn. Ankaŭ ni havas multajn personojn kun malsamaj vidpunktoj. Ni montras respekton por ricevi ĝin reciproke. La kialo de Esperanto estas interkomunikado. Se iu ajn Wikipedia povus havi bonan diskuton pri tio ĉi, tiu estus nia Esperanta Vikipedio!
Estontece, ni vidos spamaĵojn, post kiam la spamistoj konstatas, ke vikioj estas bonaj senpagaj reklamejoj. Ne gravas se ni tuj forigas reklamojn -- la spamistoj tuj restarigos tiujn uzante alian retadreson.
- Se oni spamas nin, ni simple forigos ĝin. Se oni respamas nin, ni simple reforigos ĝin. Estas pli da homoj kiuj zorgas pri la projektoj ol da spamistoj, do ni ĉiam venkos. Se ni ĉiam forigos spamaĵojn, la spamistoj ĉesos. La angla vikipedio estas grandega, sed ĝi ne havas reklamojn. Kiu volus spami la Esperantan Vikipedion?
Se ĉiu ajn povas redakti artikolon, kiel mi povas fidi kion mi legas? Ekzemple, mi normale ne iras al enciklopedio pri io kion mi scias, sed pri io kion mi volas lerni.
- Nu jes, ĝi estas konstruata enciklopedio. Memoru ke ĝi estas projekto kaj ne finita. Sed tamen, estas jam multaj bonaj artikoloj pri aferoj kiuj ne estas en la reto en Esperanto aliloke. Sed memoru ke se iu trovas malveraĵon aŭ eraron en normala retpaĝo, oni ne povas korekti ĝin, sed ĉi tie, ĉiuj povas.