Villagonzalo

Villagonzalo estas municipo de Hispanio, en la provinco de Badajoz, regiono de Ekstremaduro.

Villagonzalo
Blazono
Administrado
Poŝtkodo	06473 [+]
En TTT	Oficiala retejo [+]
Demografio
Loĝantaro	1 217  (2022) [+]
Loĝdenso	30 loĝ./km²
Geografio
Geografia situo	38° 52′ N, 6° 12′ U (mapo)38.863055555556-6.1969444444444 [+]
Alto	237 m [+]
Areo	41 km² (4 100 ha) [+]
Horzono	UTC+01:00 [+]
DEC Situo de la komunumo en Ekstremaduro
DEC Situo de la komunumo en Hispanio
Alia projekto
Vikimedia Komunejo Villagonzalo [+]

La loĝantoj nomiĝas galapagueros. La censita loĝantaro en 2008 estis de 1.352 loĝantoj.

Situo

Villagonzalo estas situa en la centra parto de Ekstremaduro en la komarko aŭ distrikto Vegas Bajas sed je ties koincido kun la Vegas Altas de la rivero Guadiana, je altitudo de 237 m; je 76 km de Badajoz, provinca ĉefurbo kaj je 2o km de Mérida, la regiona ĉefurbo. La surfaco de ties teritorio estas de 40,8 km².

Ekonomio

Agrikulturo kaj brutobredado.

Historio

La fondo estis kiel domaro dependa de Alange en la 14a jarcento fare de la superulo de la Ordeno de Santiago nome Gonzalo Mexía, de kiu devenas la nomo de la vilaĝo, tio estas Villagonzalo aŭ Vilaĝo de Gonzalo. En 1588 sendependiĝis la vilaĝo de tiu senjorlando pere de la pago de 7.000 dukatoj al Filipo la 2-a, kaj de tiam estis vilaĝo de la jurisdikcio de Mérida.

Tradicioj

Inter ili estas rakontoj pri la ekzisto en la vilaĝo de sonorilo kies sono silentigis la stormoj kaj garantiis sukcesajn naskojn.

Kiel en la tuta regiono tradicias la "matanza" (porkobuĉado), novembre kaj decembre; per tio la familio certigis provizon de viando la tutan jaron.

Demografio

La loĝantaro restis simila dum la unua duono de la 20-a jarcento sed post 1960 la elmigrado forportis grandan parton de la vilaĝanoj. Post 1980 la kvanto stabiliĝis kaj aktuale estas ĉirkaŭ 1.352 loĝantoj.

Festoj

• Festo de Sankta Isidro (15a de majo)
• Festaro (16a de aprilo)
• Festo de la Elmigrintoj (15a de aŭgusto)
• Festo de Kristo (14a de septembro)