Duontono

Duontono estas vorto por muzika intervalo, do por la distanco inter du tonoj. Ĝi estas duono de plentono, kio siavice estas sesono de egalŝtupa okto, la plena distanco de muzika gamo. Duontono mem do estas dekduono de okto, t.e. 100 cendoj en egalŝtupa agordo.

En diatonaj gamoj - ekzemple en la modaloj maĵora kaj minora - nur ekzistas intervaloj en grandeco de duontonoj kaj plentonoj, tial ke ekestis la sinonimoj duontono = eta duto kaj plentono = granda duto.

Dekdugrada gamo nur el duontonoj nomiĝas kromata gamo.

Aŭdaj ekzemploj

• Duontono supren  C-C diesa
• Duontono suben  C-B

Duontonoj en puraj agordoj

$C-{\frac {9}{8}}-D-{\frac {10}{9}}-E-{\frac {16}{15}}-F-{\frac {9}{8}}-G-{\frac {10}{9}}-A-{\frac {9}{8}}-B-{\frac {16}{15}}-C$

Intervaloj	Frekvencproporcio	en cendo	Ekzemploj
granda plentono	9:8	204 cendoj	C-D aŭ F-G
eta plentono	10:9	182 cendoj	D-E aŭ G-A
diatona duontono	16:15	112 cendoj	E-F aŭ C-D♭
granda kromata duontono	135:128	92 cendoj	C-C♯
eta kromata duontono	25:24	71 cendoj	E♭-E

Vidu ankaŭ

• duontona gamo
• la ĝeneralan artikolon pri intervalo (muziko).