Vikipedio

Heinz Dieterich

Heinz DIETERICH Steffan (la 1-an de januaro 1943, en Rotenburg an der Wümme, Germanio; {[elparolu hájnc díteriĥ]}) estas germana sociologo, politika analizisto kaj profesoro-esploristo ĉe la Universidad Autónoma Metropolitana kaj loĝanta en Meksiko. Konata pro siaj maldekstremaj pozicioj, li kunlaboras kun diversaj publikaĵoj kaj publikigis pli ol 30 librojn pri latinamerikaj politikaj konfliktoj, tutmonda socio kaj la sinsekvaj sciencaj kaj ideologiaj paradigmoj kiuj trapasis la jarcenton, inter multaj aliaj ne malpli kompleksaj temoj. Li estas granda iniciatinto de la koncepto de socialismo de la 21-a jarcento.

Heinz Dieterich
Persona informo
Naskiĝo 1-an de januaro 1943 (1943-01-01) (81-jaraĝa)
en Rotenburg
Lingvoj hispana vd
Loĝloko Meksiko vd
Ŝtataneco Germanio vd
Profesio
Okupo sociologo • profesoro vd
vd Fonto: Vikidatumoj
v • d • r
Heinz Dieterich lekcias pri Socialismo de la 21-a jarcento ĉe la Monda Federacio de Demokratia Junularo, Karakaso, 2005

Vivo redakti

Fininte siajn studojn pri sociologio. Heinz Dieterich vivis kaj praktikis en Latinameriko. Li estas esploristo ĉe la Universidad Autónoma Metropolitana en Meksikurbo kie li antaŭe laboris kiel profesoro pri sociologio kaj metodaro.

Li estas konsiderita unu el la gvidaj figuroj de la Nov Bremena Lernejo de sociologio, alportante principojn de cibernetiko. kvantuman mekanikon. kaj la ekvivalentprincipon al la disciplino. En 1996 li kontribuis al la kreado de la alternativa informmedio Rebelión de kiu li estas kutima kunlaboranto.

Ideologiaj kontribuoj redakti

Dieterich estas unu el la referencoj kiam oni analizas la teorian-praktikan derivon de la kontraŭkapitalisma maldekstro post la malfondo de Sovetunio. Iliaj kontribuoj reprezentas alternativon al la manko de ekonomia, politika kaj socia konstruprojekto, kiun suferis la kontraŭ-tutmondiga movado, kiu aperis dum la 1990-aj jaroj.

En sia verko Der Sozialismus des 21. Jahrhunderts (Socialismo en la 21-a jarcento) li klarigas ĝian teorian bazon. Laŭ propra eldiro, Heinz Dieterich disvolvis sian koncepton de socialismo de la 21-a jarcento en la jaro 1996 kaj publikigis pri tio ekde 2000 mondvaste kun fokuso sur Sudameriko.[1] Dieterich estas konsiderata kiel (neoficiala) konsilisto de la bolivara disvolvoprocezo (reprezentita de la mortinta venezuela ŝtatprezidanto Hugo Chávez kaj de lia posteulo Nicolás Maduro. Laŭ Dieterich, nek la "industrikapitalismo" nek la "historia reale ekzistanta socialismo" sukcesis "solvi la premajn problemojn de la homaro, ekz-e malriĉeco, malsato, ekspluatado, ekonomia, seksisma kaj rasisma subpremado, la detruado de la naturaj vivbazoj kaj la manko de reale partopreniga demokratio".[2]

Ambaŭ sistemoj estis submetitaj al "similaj tropotencaj objektivaj evolukondiĉoj". Dieterich nomas interalie la neceson de kapitalakumulado, la fordismon, la mondmerkaton, la sistemkonkurencon kaj la "nedemokratiaj vertikalaj parti-, soci- kaj ŝtat-strukturoj – kiuj senkompate striktigis la liberecon de la evoluo de la du sistemprojektoj kontraŭ la volo de iliaj protagonistoj."[2]

La nuna epoko staras, laŭ li, sub du "mondhistoriaj signoj": unuflanke "la elĉerpiĝo de la sociaj projektoj de la burĝaro kaj de la historia proletaro, kaj aliflanke la transiro de la nuna burĝa civilizacio al nekapitalisma mondsocio: al universala bazdemokratio.[2] Dieterich postulas la starigon de kvar bazaj institucioj de la nova realo de la postkapitalisma civilizacio:

  1. la ekvivalentekonomio, bazita sur la uzvaloro kaj sur la valorteorio, nemerkatekonomia kaj demokratie determinata de la rektaj valorkreantoj;
  2. la demokratio de plimultoj, kiu pri la esencaj tutsociaj demandoj decidas referendume;
  3. la bazdemokratia ŝtato kiel preprezentanto de la ĝeneralaj interesoj kun konvena protekto de malplimultoj kaj
  4. la racie-etike-estetike memdecidanta civitano kiel kritike respondeca subjekto.“[2]

Ĉe tio temas, laŭ Dieterich, "pri la baza institucieco […], kiu montris al la historia projekto de Markso kaj Engelso ĝian strategian direkton.[2]

Ĉar la ekzistanta socio estas, laŭ Dieterich, anstataŭigenda per "kvalite alia (sistemkontraŭa)", "la programo de la socialismo de la 21-a jarcento estas nepre revolucia."[2]

Ekde la 30-a de januaro 2005 la libro estis disvastiĝata speciale de la venezuela prezidanto Hugo Chávez ekde la kvina Monda Socia Forumo.

Aliaj de liaj verkoj de speciala intereso, "Global Society" kaj "Latin America: From Colonization to Globalization" verkita kun Noam Chomsky estas libro kontraŭ la kapitalisma sistemo kaj ununura pensmaniero. citaĵo bezonata.

Post la rompo de Heinz Dieterich Steffan kun ĉavismo, Dieterich enfokusigis siajn intelektajn kaj praktikajn klopodojn al socialismo kun ĉinaj trajtoj kaj en lando kie lia penso komencis esti akceptita. Aliflanke, li certigas, ke Ĉinio renovigis la Novan Ekonomian Politikon de Lenin kaj kun ĝi lasis la.bazan paradigmon" de la ĉina socialismo de la 20-a jarcento (Nova Demokratio de Mao Zedong, antaŭenirante al la socialismo de la 21-a jarcento). En la sama maniero, li kredas ke en Kubo Raúl Castro dediĉis sin al la savo de la Kuba Revolucio provante organizi la transiron de la stalina reĝimo de produktado al la Nova Ekonomia Politiko de produktado laŭ la gvidlinioj de Lenin kaj Deng Xiaoping.

En Esperanto aperis redakti

Referencoj redakti

  1. ↑ Entrevista a Heinz Dieterich
  2. ↑ 2,0 2,1 2,2 2,3 2,4 2,5 Heinz Dieterich: „Der Sozialismus des 21. Jahrhunderts – Wirtschaft, Gesellschaft und Demokratie nach dem globalen Kapitalismus“, Einleitung

Eksteraj ligiloj redakti

Bibliotekoj
Elŝutita el "https://eo.wikipedia.org/w/index.php?title=Heinz_Dieterich&oldid=8519107"