Ludwig Mooser
Ludwig Mooser, laŭ la hungarlingve kutima nomordo (ekde 1864 li oficiale uzis tiel) Mooser Lajos estis aŭstrohungara orgenfaristo, uzinestro. Antaŭ 1845 li uzis sian personan nomon en formo Louis.
| Ludwig Mooser | |
|---|---|
 Ludwig Mooser | |
| Persona informo | |
| Naskiĝo | 30-an de januaro 1807 en Vieno |
| Morto | 22-an de majo 1881 (74-jaraĝa) en Hatvan |
| Ŝtataneco | Aŭstrio |
| Okupo | |
| Okupo | Piankonstruisto |
Ludwig Mooser naskiĝis la 30-an de januaro 1807 en Vieno, li mortis la 22-an de majo 1881 en Eger.
Biografio redakti
Ludwig Mooser devenis el aŭstra orgenfarista dinastio. Li lernis la metian en la familio. En sia aĝo 16 laŭ la kutimoj li estis vaganta metilernanto, poste li akiris licencon. En 1827 li malfermis metiejon pri pianoj kaj orgenoj en Salcburgo. Li akiris renomon en riparo de orgeno en Salcburgo. Dum la kulmino en la metiejo laboris 50 laboristoj jare produktantaj 120 orgenojn kaj 200 pianojn. Krom la fervojo li profitis la ŝipojn sur Danubo. Helpe de Danubo li atingis Hungarlandon kaj en Primasa Baziliko de Sankta Adalberto kaj Dipatrino li kreis orgenon, poste en aliaj lokoj. Fine li uzis la hungaran nomformon. Lia edzino naskis plurfoje, inter ili tri estis almenaŭ plenaĝaj kaj helpis en la orgenuzino. En 1863 li vidviĝis, ricevis hungaran ŝtatecon, poste li laboris en Eger. Laŭ priskribo li ne parolis hungare (tamen kelkajn frazojn kaj esprimojn), sed li havis hungarecajn vestojn, dancis ĉardaŝon kaj ŝatis vinojn de Eger.
Elektitaj produktitaj orgenoj redakti
- Katedralo de Salcburgo (1845)
- Preĝejo Senmakula Koncipiĝo (Fót) (1854)
- Preĝejo Vizito de Maria (Kiskunfélegyháza) (1856)
- Preĝejo Sankta Antonio (Eger) (1856)
- Preĝejo Vizito de Mario (Oberndorf) (1857)
- Kalvinana preĝejo (Szabadszállás) (1857)
- Preĝejo Ĉieliro de Maria (Polgár) (1859)
- Preĝejo Sankta Nikolao (Kecskemét) (1860)
- Baziliko de Eger (1864)
- Kalvinana grandpreĝejo (Karcag) (1866)
- Preĝejo Johano Baptisto (Târgu Mureș) (1869)
- Kalvinana preĝejo (Tiszafüred) (1869)
- Kalvinana preĝejo (Sárospatak) (1871, nur tiu restis plene origine)
- Preĝejo Sankta Maria (Gyula) (1875)
Fontoj redakti
- germanlingva biografio Arkivigite je 2023-05-31 per la retarkivo Wayback Machine
- germanlingva biografio
