¡Ay, Carmela! (kanto)
«¡Ay, Carmela!» estas kanto komponita origine komence de la 19-a jarcento kaj tiam kantita ĉefe de hispanaj soldatoj luktantaj kontraŭ la invado de francoj dum la Milito de Hispana Sendependigo (1808-1814), kaj kiu estis rekuperita laŭ diversaj nomoj fare de la soldatoj de la respublika tendaro kiel unu de la kantoj de la Hispana Enlanda Milito (1936-1939). La melodio estis uzita ankaŭ de la frankisma tendaro, ĉefe laŭ la nomo «Por el río Nervión».[1]
La origina versio de la kanto enhavas pli ol dek strofojn.[1]
Partituro redakti
Versioj kaj sekvo redakti
La kanton oni konas per diversaj nomoj, kiel por ekzemplo «El Ejército del Ebro», «El paso del Ebro», «¡Ay, Manuela!», «Rumba la Rumba» kaj «Viva la XV Brigada».[1][2][3][4][5]
Tre diversaj kantistoj ludis la kanton kiel Rosa León, Chicho Sánchez Ferlosio, Dalida, Soledad Bravo, Ana Belén, Los Muertos de Cristo ktp.
La kanton kaj ties uzado fare de la soldatoj de la respublika tendaro inspiris teatraĵon ¡Ay, Carmela! de José Sanchis Sinisterra (tradukita en Esperanton), kiu siavice inspiris filmon ¡Ay, Carmela! de Carlos Saura.
Referencoj redakti
- ↑ 1,0 1,1 1,2 Maryse Bertrand de Muñoz Si me quieres escribir. Canciones políticas y de combate de la Guerra de España eldonejo Calambur, 1a de januaro 2009, alirita la 31an de majo 2019, ISBN = 9788483591123,
- ↑ Diaz Viana, Luis Canciones populares de la Guerra Civil: Un estudio de oralidad literaria Alirita la 30an de majo 2019, en retejo www.cervantesvirtual.com
- ↑ Devuélveme la Voz. "Cuatro canciones de la Guerra Civil Española" Alirita la 30an de majo 2019, en retejo web.ua.es
- ↑ Calvo, Yeray Las revoluciones tienen nombre de canción 25a de aprilo 2013. Alirita la 31an de majo 2019, en retejo www.publico.es
- ↑ "Ay Carmela": la motivación de los republicanos en la Guerra Civil Española 6a de aŭgusto 2018, alirita la 31an de majo 2019, en retejo ELESPECTADOR.COM
- En tiu ĉi artikolo estas uzita traduko de teksto el la artikolo ¡Ay, Carmela! (canción) en la hispana Vikipedio.