Ariane 1
Ariane 1 estis la unua versio de la familio de raketoj Ariane. Ariane 1 estis ĉefe desegnita por orbitigi du komunikajn satelitojn samtempe, reduktante la prezon de lanĉado. Kiam la satelitoj pligrandiĝis, estis disvolviĝitaj pli grandaj versioj de la raketo: Ariane 2 kaj Ariane 3.[1]
| Ariane 1 | ||
|---|---|---|
| ||
| rocket model vd | ||
| Dum | 24-a de decembro 1979 - 22-a de februaro 1986 | |
| Sekvanto | Ariane 2 | |
Priskribo redakti
Ariane 1 estis la unua lanĉo-veturilo disvolvita de la Eŭropa Kosma Agentejo. Ĝi baziĝas sur la lanĉo-veturilo L3S Europa. La disvolviĝo de la lanĉo-veturilo estis rajtigita dum julio 1973. La prezo de la projekto estis taksita je 2 milionoj da eŭroj. Kun maso je la lanĉo de 210.000 kg, Ariane I kapablas meti en terstabila orbito unu sateliton aŭ du malgrandajn satelitojn kun entuta maso de 1.850 kg.
La lanĉo-veturilo Ariane 1 estis kvar-etaĝa raketo. La unua etaĝo havis kvar motorojn Viking disvolvitaj de la Société Européenne de Propulsion. La dua etaĝo havis nur unu motoron Viking.
La tria etaĝo havis motoron el du brulaĵojn (LOX/LH2) kun puŝforto de 7.000 kgf (69 kN). La kvara etaĝo konsistis el motoro el solida brulaĵo Mage-1 kun puŝforto de 20 kN.
Lanĉoj redakti
La unua lanĉo okazis la 24-an de decembro 1979, kaj ĝi estis sukcesa. La dua lanĉo, en 1980, malsukcesis pro nestabila brulado de unu el la motoroj Viking de la unua etaĝo. La tria lanĉo sukcese orbitigis tri satelitojn, kaj ankaŭ la kvara kaj kvina flugoj estis sukcesaj.
Dum la sekva lanĉo, la unua komerca, la raketo ĉesis funkcii post 7 minutoj de flugado pro malbona funkciado en turbinpumpilo de la tria etaĝo. Post ĉio-ampleksan studon de la veturilo, la sekvaj ses lanĉoj estis sukcesaj. La kosmosondilo Giotto estis sukcese lanĉita per la deka lanĉo de la Ariane 1 (flugo V14) la 2-an de julio 1985.
La unua satelito SPOT estis orbitigita per la dek unua kaj lasta flugo de la raketo Ariane 1 la 22-an de februaro 1986.[2]
Kronologio redakti
| Flugo | Dato | Ekfluga platformo | Ŝarĝo | Rezulto | Rimarkoj |
|---|---|---|---|---|---|
| L-01 | 24-a decembro 1979 | ELA-1 | CAT-1 | Sukcesa | Unua flugo |
| L-02 | 23-a majo 1980 | ELA-1 | Firewheel Subsat-1,2,3,4 Amsat P3A CAT 2 |
Malsukcesa | Nestabila brulado de unu el la motoroj Viking de la unua etaĝo |
| L-03 | 19-a junio 1981 | ELA-1 | Meteosat 2 Apple CAT 3 |
Sukcesa | |
| L-04 | 20-a decembro 1981 | ELA-1 | MARECS 1 CAT 4 |
Sukcesa | |
| L-5 | 10-a septembro 1982 | ELA-1 | MARECS B Sirio 2 |
Malsukcesa | Unua komerca lanĉo La raketo ĉesis funkcii post 7 minutoj de flugado pro malbona funkciado en turbinpumpilo de la tria etaĝo |
| L-6 | 16-a junio 1983 | ELA-1 | ECS 1 Amsat P3B (Oscar 10) |
Sukcesa | |
| L-7 | 19-a oktobro 1983 | ELA-1 | Intelsat 507 | Sukcesa | |
| L-8 | 5-a februaro 1984 | ELA-1 | Intelsat 508 | Sukcesa | |
| V-9 | 23-a majo 1984 | ELA-1 | Spacenet 1 | Sukcesa | |
| V-14 | 2-a julio 1985 | ELA-1 | Giotto | Sukcesa | |
| V-16 | 22-a februaro 1986 | ELA-1 | SPOT 1 Viking |
Sukcesa | Lasta flugo |
Referencoj redakti
- ↑ Ariane 1,2,3. Ariane 1. ESA (2004-05-04). Alirita 2009-09-28.
- ↑ Launch History. Ariane 1. Gunter's Space Page (2009-04-16). Alirita 2009-09-28.