Azrieli Centro

Azrieli Centro (hebree מֶרְכָּז עַזְרִיאֵלִי, Merkaz Azrieli) estas komplekso de tri ĉielskrapantoj en Tel-Avivo. Ĉe la bazo de la komplekso situas granda butikcentro (multvendejo).

panorama vido el la tegmento de la ronda turo

w1

Azrieli Centro
konstruaĵa komplekso
Bazaj datoj
Konstrustilo	contemporary architecture vd
Estiĝo	1999
Malfermo	1998
Lando	Israelo vd
Situo	Tel-Avivo
Situo
Geografia situo	32° 4′ 28″ N, 34° 47′ 31″ O (mapo)32.07432222222234.792080555556 [+]
Posedata de	Azrieli Group Ltd vd
Partoj Partoj Azrieli Center Triangular Tower (en) , Azrieli Center Square Tower (en) kaj Azrieli Center Circular Tower (en) vd

La Azrieli Centro situas plej proksime al la Ajalon Aŭtovojo ĉe la HaShalom- vojnodo, najbara al la fervoja stacidomo de la sama nomo, kaj la loko de la centro foje estas ankaŭ nomita HaShalom. Unu el la elirejoj de la stacidomo kondukas rekte al la butikcentrokonstruaĵo.

La komplekso estas nomita laŭ la iniciatinto de la projekto, kanada entreprenisto de israela origino David Azrieli.

Priskribo

• La ronda turo, la plej alta el la tri, havas 49 etaĝojn kaj altecon de 187 m. Ĝia konstruo komenciĝis en 1996 kaj estis finita en 1999. Dum la konstruo, ĝi vicis unue en la listo de plej altaj konstruaĵoj en Israelo; aktuale en 2020, ĝi estas la kvina plej alta en la lando. Ekzistas 84 fenestroj sur ĉiu etaĝo de la rondturo, farante totalon de 8,000 fenestroj. La perimetro de la turo estas 141 metroj, diametro  - 44 metroj. La etaĝa areo estas 1,520 m². Supre estas endoma observejo Azrieli Observatory kaj restoracio. La oficejo de David Azrieli situas sur la 48-a etaĝo.
• La triangula turo, 169 m alta, havas 46 etaĝojn kaj ankaŭ estis konstruita en 1996-1999. Ĝia horizontala sekcio estas egallatera triangulo. La Telefona Kompanio Bezeq okupas 13 etaĝojn de la konstruaĵo.
• La kvadrata turo havas 42 etaĝojn kaj 154 m, ĝi estas la plej malsupra el la tri turoj de la Azrieli-komplekso. Ĝia konstruo estis suspendita en 1998 pro malkonsentoj kun la Tel-Aviva Urbodomo kaj rekomencita en 2006, kaj kompletigita en junio 2007. La Crowne Plaza City Center komercklasa hotelo situas sur siaj pli malaltaj 13 etaĝoj.

Galerio

• 
  Ĝenerala vido
• 
  Du Azrieli Turoj dum la nokto, 2004
• 
  Ene de la butikcentro
• 
  Urba sceno: Vido de Tel-Avivo el la observejo
• 
  Ternivela vido de la komplekso
• 
  Fontano ĉe la Azrieli Komplekso, malmuntita en la lasta 2010aj jaroj en favoro de piedira placo
• 
  Ponto konektanta piedan trafikon al la Komplekso
• 
  Azrieli Centro je nokto

Eksteraj ligiloj

• Kaptaĵo por Turo 3 - Monda Arkitektura Novaĵo