Cisko kaj Vinjo
Cisko kaj Vinjo estas la nomo de flandra serio de bildstrioj kreitaj de Willy Vandersteen [Ŭili VanderSTEN] kaj post ties morto realigitaj de sinsekve Paul Geerts [Pol Ĥerts] kaj Marc Verhaegen [Mark Verhaĥe] de Studio Vandersteen. Cisko kaj Vinjo ankaŭ estas la nomo de la du amikaj ĉefroluloj.
| Cisko kaj Vinjo | |||||
|---|---|---|---|---|---|
|
| |||||
| |||||
| bildliteraturo serio | |||||
| Aŭtoroj | |||||
| Aŭtoro | Willy Vandersteen, Paul Geerts | ||||
| Lingvoj | |||||
| Lingvo | nederlanda lingvo | ||||
| Eldonado | |||||
| |||||
En la originala lingvo Cisko kaj Vinjo nomiĝas Suske kaj Wiske [Eo: suske & ŭiske; IPA: syskə & wiskə]. Estas mallongigoj de Franciscus (Francisko) kaj Louise (Ludovika). La nomoj "Cisko" kaj "Vinjo" estas do kiel ili mallongigo. En la originalaj bildstrioj la longaj nomoj malofte estas uzataj kaj tiuokaze plej ofte sarkasme.
La 19-an de oktobro 2002 Cisko kaj Vinjo estis oficiale baptitaj en la urbodomo Tienen.
En Esperanto redakti
Nur ekzistas unu albumo de Cisko kaj Vinjo en Esperanta traduko. La titolo de la unua verko estas "La brusela bubo", rakonto en sufiĉe facila Esperanto, amuza kaj agrabla por infanoj kaj por plenkreskuloj. Ĝin prizorgis la flandra Esperantoklubo de Tienen (Belgio) kunlabore kun tiu de Loveno. Distribuas ĝin Flandra Esperanto-Ligo.
En aliaj lingvoj redakti
La aventuroj de la flandraj buboj Suske kaj Wiske estas konataj en ĉiuj kontinentoj. Ekster Flandrujo ili nomiĝas Bob et Babette, Dada & Beibei, Finn og Fiffi, Willy and Wanda, Anu ja Antti, Suske und Wiske, Bobi kai Lou, Bob e Bobette, Susuka te Wisuka. Ekzistas multaj aliaj formoj.
La bildstrioj de Cisko kaj Vinjo estas ofte tradukitaj. Ekzistas ankaŭ kelkaj albumoj en flandraj kaj nederlandaj regionaj lingvoj (frisa, groninga, drenta, twenta, limburga kaj brabanta).
Kalmthout redakti
Por la urbo Kalmthout, Cisko kaj Vinjo estas veraj ambasadoroj. La iaman atelieron de Willy Vandersteen en Beauvoislaan 98 oni transformis al infana muzeo. Ĉe la stacidomo de Heide-Kalmthout oni eĉ konstruis Cisko-kaj-Vinjo-statuon. La komunumo Kalmthout ankaŭ eldonigis albumon de Cisko kaj Vinjo pri Kalmthout mem, "Het Rijmende Paard". La lasta deko da paĝoj prezentas la komunumon kaj ĝiajn eventojn.
Kineja filmo redakti
En 2001 oni anoncis ke estis planoj por Cisko-kaj-Vinjo-filmo. Oni eksurbendigis dum la somero de la jaro 2003. De Duistere Diamant - la malhela diamanto - premieris je la 18a (BE) kaj la 19a (NL) de februaro 2004. La filmon reĝisoris Rudi Van Den Bossche. La ĉefroluloj estis:
- Joeri Busschots kiel Cisko
- Céline Verbeeck kiel Vinjo
- Dirk Roofthooft kiel Lambiko
- Peter Van den Begin kiel onjo Sidonia
- Stany Crets kiel Ĵerom
- Tuur De Weert kiel profesoro Barabas
Eksteraj ligiloj redakti
- Ligo al la Esperanto-libro
- Cisko kaj Vinjo en la reto (en la nederlanda, franca, angla kaj germana lingvoj)
- La provinca infana muzeo Cisko kaj Vinjo en Kalmthout