Citrongorĝa barbulo
La Citrongorĝa barbulo (Eubucco richardsoni) estas specio de birdoj de la familio de Ramfastedoj aŭ de propra familio de Kapitonedoj, laŭ kelkaj fakuloj, sed ĉiukaze parencoj de tukanoj, tukanetoj kaj membroj de la grupo de Sudamerikaj barbuloj.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Citrongorĝa barbulo
 | ||||||||||||||
| Biologia klasado | ||||||||||||||
| ||||||||||||||
| Eubucco richardsoni (Gray, 1846) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La plej rimarkinda karaktero de la specio estas la flavaj gorĝo kaj supra ŝultro (kio nomigas la specion) kio nuancas al bruna kaj ruĝa pli sube (mentono estas bruneca). La ventro estas verdeca. La kapo estas nigra kun malhelaj grenatkoloraj nuancoj aŭ eĉ al ruĝo. La nuko montras horizontale bluan larĝan strion. La dorso estas grizverdeca, plej hela supre kaj malhela sube. La beko estas flava sufiĉe kontrasta kun la najbaraj ĉu ruĝecaj ĉu malhelaj partoj.
Tiu ĉi specio montras ekzemplon de seksa duformismo, nome la ino estas pli senkolora, ja kun flava supra brusto, sed sen tiom markitaj malsupra brusto, kapo aŭ nuko.
Ĝi troviĝas en Bolivio, Brazilo, Kolombio, Ekvadoro kaj Peruo. Ties natura habitato estas subtropikaj aŭ tropikaj humidaj arbaroj de malaltaj teroj kaj subtropikaj aŭ tropikaj marĉoj ĝis 900 m de altitudo super marnivelo.
Li estas ĉirkaŭ 15 cm longa kaj ĉirkaŭ 31 g peza.
Li manĝas ĉefe artropodojn (insektojn, araneojn kaj aliajn senvertebrulojn). Tiu ĉi specio serĉas siajn predojn inter la seka foliaro restanta en la branĉaro.
Oni agnoskas ĝis 4 subspeciojn:[1]
- Eubucco richardsoni richardsoni (J. R. Gray, 1846) - nomiga subspecio,
- Eubucco richardsoni nigriceps Chapman, 1928,
- Eubucco richardsoni aurantiicollis P. L. Sclater, 1858,
- Eubucco richardsoni purusianus Gyldenstolpe, 1951.
Notoj kaj referencoj
redakti- ↑ Lepage D., Eubucco richardsoni[rompita ligilo]. Monda listo de birdoj. Avibase. [Rigardo la 28an de septembro 2011].
- Eubucco richardsoni. BirdLife International 2004.[rompita ligilo]
- 2006 IUCN Ruĝa Listo de Minacataj Specioj. 27a Julio 2007.