Glacia groto de Dobšiná
Glacia groto de Dobšiná etendiĝas en subteraĵo de Slovaka Paradizo (en Nacia Parko Slovaka Paradizo), kiu estas unu el la plej karakteriza karsta teritorio de Slovakio. Ĝi troviĝas en mineralriĉa montaro de Stratenská, en la norda deklivo de kalko-riĉa monto Duča (duĉa) en alteco de 970 m super marnivelo. Enirejo en la groton estis konata longtempe sub nomo “glacia truo“. En malsuprajn partojn de la groto unuafoje trapenetris en la jaro 1870 minejinĝeniero Eŭgen Ruffíni helpe de siaj amikoj G. Lang kaj A. Mego, kiuj pli malfrue la groton ankaŭ mezuris. Por publiko ĝi estis alirebla jam en la jaro 1871 kaj kiel la unua groto en la mondo ĝi estis en la jaro 1887 elektre prilumigita.
La grota areo ekestis fare de dissolva agado de akvo, kiu enpenetris tra tektonikaj fendaĵoj en tavolaj krevaĵoj en la mason de kalkúŝtono kaj dislaĝiĝis ilin. Decidan taskon ĉe estiĝo de la grotaj areoj rolis torento Hnilec. Ĝi penetris subteraĵon kaj per alportita dura materialo ĝi agis erozie subtere. Pri pertorenta origina tramodieligo de pli malgrandaj areoj, dokumentas restaĵoj de gruzoj, kiuj troviĝas en Enireja koridoro, en Vinbera salono, en Blanka salono kaj aliloke. Laŭ la strukturo de la gruzoj eblas konstati, ke ilin alfluis torento Hnilec en la groton el la teritorio de monto Kráľova hoľa. La Glacia groto de Dobšiná estas tipo de statodinamika groto, kies glaciaj masivoj ekestis kaj ĉiujare alpleniĝas pere de natura malvarmigo de areoj dum vintra sezono, kiam tra pli alte situanta enirejo alfludadis kaj alfluas malvarma aero en pli malalte situantajn areojn kaj per malvarmigado de rokaj vandoj. La planka glacimaso atingas dikecon de 25 m kaj ĝia amplekso estas supozata pli ol 125 000 m2.
La groto apartenas inter la plej belaj kaj rilate ampleksecon de la glacia ornamaĵo inter la plej buntaj grotoj de la mondo. Al la plej interesaj areoj apartenas Malgranda salono kun kreaĵo de Malgranda kurtenego, Tombejo, Granda salono – alta 11 m, larĝa 60 m kaj longa 120 m, kaj Karsta salono. Observenda estas areo inter glacia muro de koridoro de Ruffíni kaj muro de kalkŝtona masivo. Ĉi tiu areo estis origine pleniĝinta per glacio. Alfluo de varma aero el la plej subaj fundoj de la groto dissolvadis ĉi tiun glacion kaj kreiĝis sufiĉe disvastiĝantan areon.
Longeco de trarigardebla sfero alirebla por publiko estas 475 m el la tuta konata longeco de la groto 1 388 m.
La glacia groto de Dobšiná troviĝas sur la trako Poprad – Rožňava, ne malproksime de la mineja urbeto Dobšiná. Aliro al la groto estas de parkejo ĉe la ŝtata vojo, per komforta irvojeto ĉirkaŭ 15 minutoj piedire.