Funikularo de Bakuo

La Funikularo de Bakuo (azerbajĝane Bakı funikulyoru) estas funikularo en Bakuo (Azerbajĝano). Ĝi kunligas placon en Avenuo Neftjanikov kun Parko Nagornij. La direktoro estas Tofig Ismajlov.

Funikularo de Bakuo

Veturilo de funikularo de Bakuo dum la 1-aj Eŭropaj Ludoj de 2015
Ĝeneralaj informoj
Loko	Bakuo, Azerbajĝano
Transportsistema speco	Funikularo
Komenco de trafiko	1960
Teknikaj informoj
Longeco de sistemo	455 m
Nombro de linioj	1
Nombro de veturiloj	2
Nombro de stacioj	2
v • d • r

Teĥnikaj karakterizaĵojRedakti

Fervoja trako: unusola kun preterpasejo
Longeco: 455 metroj.
Stacioj: 2.
Veturiloj: du veturiloj BF-1 kaj BF-2.
Funkciado: Elektra, per kablo
Maksimuma rapideco: 2,5 m/s
Poveturila kapacito: 28 pasaĝeroj
Potaga kapacito: 2000 pasaĝeroj
Intervalo inter du veturoj: 10 minutoj
Daŭro de veturado: 4 minutoj
Prezo de vojaĝo: 0,50 AZN (en februaro 2017). Nur kontanta mono
Malfermita de 10:00 ĝis 22:00, fermita lundon

HistorioRedakti

La Funikularo estis konstruita laŭ iniciato de Aliŝ Lemberanskij. Ĝi estis malfermita en 1960. Ekde 2006, la direktoro de la funikularo estas Tofig Ismajlov. Estas stabo de 11 homoj. En la sovetia epoko, la veturiloj estis konstruitaj en la Leningrada fabriko VARZ. La Ĉefa konstruisto de la funikularo estis Arakelov Radĉik Avakoviĉ.

Moderna funikularoRedakti

En 2001 revizio kaj renovigo estis realigita en funikularo de Bakuo. La sekvantaj riparoj estis realigitaj en 2007. Uzo de modernaj teĥnologioj en la riparo ebligas forigi la bruon de la relo kiam la veturilo moviĝas. En la planoj de Ministerio de Transporto de Azerbajĝano kaj Urbestra Oficejo de Bakuo estas modernigo kaj pligrandigo de funikularo de Bakuo. Per veturilo de funikularo, sub la okuloj de civitanoj kaj gastoj de la azerbajĝana ĉefurbo malrapide disfaldiĝas belega panoramo de la urbo kaj parto de la Kaspia maro.