GramTrans

GramTrans estas plursistema maŝintradukada komputa kadro disvolvita en kunlaborado inter la dana GrammarSoft ApS kaj la Norvega Kaldera SpråktekNelogi AS. La traduka programo estas bazita sur interlingva transigado.

GramTrans proponas senpagan perretan tradukadon inter la skandinava lingvaro, angla kaj Esperanto, surbaze de universitata esplorado pri naturalingva procezado, tekstara lingvistiko, kaj leksikografio.

WikiTrans redakti

GramTrans disponigas maŝinan tradukon de la tuta angla Vikipedio en Esperanton. La rezulto estas WikiTrans (scienca prezento^[1]).

Tiun maŝintradukon oni povas krome uzi (nepre polurante kaj kontrolante ĉion zorge) por krei novajn artikolojn por la Esperanta Vikipedio.

Lingvoj redakti

La disponeblaj lingvoparoj (en marto 2012) por tradukado estas:

Traduko	Teksto	Retpaĝo
Dana al Angla	Jes	Jes
Dana al Esperanto	Jes	Jes
Dana al Norvega	Jes	Jes
Dana al Sveda	Jes	Jes
Angla al Dana	Jes	Jes
Angla al Esperanto	Jes	Jes
Angla al Norvega	Jes	Jes
Angla al Sveda	Jes	Jes
Norvega al Dana	Jes	Jes
Norvega al Angla	Jes	Jes
Norvega al Esperanto	Jes	Ne
Norvega al Sveda	Jes	Jes
Portugala al Dana	Jes	Ne
Portugala al Angla	Jes	Ne
Portugala al Esperanto	Jes	Ne
Sveda al Dana	Jes	Jes
Sveda al Angla	Jes	Jes
Sveda al Norvega	Jes	Jes

DeepDict Lexifier redakti

GramTrans produktis specialan vortaron, DeepDict Lexifier, kiu montras por ĉiuj prezentataj vortoj la kuntekstajn vortojn inkluzive de gramatikaj rilatoj; publikiĝis detalaj sciencaj prezentoj de ĝi^[2]

Fontoj redakti

↑ Bick, Eckhard (2011), WikiTrans: La angla Vikipedio en Esperanto^{[rompita ligilo]}. En: Modernaj teknologioj por Esperanto (Proceedings of KAEST 2010, Modra, Slovakia). pp. 28-41. Espero/E@I, Partizánske. ISBN 978-80-89366-10-1
↑ Bick, Eckhard (2011), DeepDict - Kunteksta reta vortaro de vera lingvouzo^{[rompita ligilo]}. En: Modernaj teknologioj por Esperanto (Proceedings of KAEST 2010, Modra, Slovakia). pp. 15-27. Espero/E@I, Partizánske. ISBN 978-80-89366-10-1.
Bick, Eckhard (2015). La kunteksta vortaro DeepDict: Korpusa leksikografio en Esperanto. En: Christer Kiselman & José Vergara (eds.): De esperanta korpuso ĝis islanda lingvopolitiko - Aktoj de la 36-a Esperantologia Konferenco en la 98-a Universala Kongreso de Esperanto, Rejkjaviko 2013. pp. 7-17. Rotterdam: Universala Esperanto-Asocio. ISBN 978-92-9017-125-6 (eldonota)