Grand Baie

Grand Baie estas marborda urbeto kaj granda turista plaĝo en la distrikto Rivière du Rempart en Maŭricio. La urbeto situas sur la okcidenta flanko de la plej norda punkto de Maŭricio kaj estis la loko de la brita "Invado de la Insulo de Francio" en novembro 1810.

Grand Baie
urbo • administra teritoria unuo
Administrado
Demografio
Geografio
Geografia situo	20° 1′ S, 57° 35′ O (mapo)-20.01305555555657.584444444444 [+]
Alto	10 m [+]
Grand Baie (Maŭricio) DEC Grand Baie Situo de Grand Baie
Alia projekto
Vikimedia Komunejo Grand-Baie [+]

Grand Baie ja povas esti la plej konata urbeto en Maŭricio. Ĝi ŝuldas sian popularecon al la rava kvalito de siaj smerald-koloraj akvoj kaj al sia vivo dumtage aŭ dumnokte. Ĝi ofertas oportunojn por sendanĝera naĝado, navigado, vent-surfado, kaj akvo-skiado, kaj estas ankaŭ la elirpunkto por ekskursoj per helikopteroj, fiŝado en profunda akvo kaj ekskursoj per boatoj al la insuloj de la nordo de Maŭricio: Gunners' Quoin, Flat Island, Round Island, kaj Serpent Island. Grand Baie kaj ĝiaj ĉirkaŭaĵoj ankaŭ ofertas larĝan gamon de mod- kaj art- butikoj, hoteloj kaj restoracioj. Grand Baie estas ankaŭ konata pro sia nokta vivo ĉar ĝi disponas pri la plej bonaj drinkejoj kaj nokto-kluboj de la insulo, inkluzive de "Banana Café", "Zanzibar" aŭ "Les Enfants Terribles".

Vido de Grand Baie

Vidu ankaŭ

• Mon père, ce héros (filmo), parte filmita en Grand Baie

Eksteraj ligiloj

• france Turismaj informoj pri Grand Baie Arkivigite je 2012-10-15 per la retarkivo Wayback Machine