Hipoklorita akvo
Hipoklorita akvo estas mastrumadaĵo uzata kiel seninfektigilo kaj blankigilo. Ĝi estas malkoncentrita solvaĵo kun kiel aktiva ingredienco natria hipoklorito (NaClO). Lige al ĝi troviĝas lesivo.
![](http://upload.wikimedia.org/wikipedia/commons/thumb/b/b6/Bleach-bottle.jpg/220px-Bleach-bottle.jpg)
Natria hipoklorito estas produkto de la saloindustrio. Kiam akveca solvaĵo de natria klorido NaCl estas submetata al elektrolizo, ekestas je la du elektrodoj du produktoj: natria hidroksido NaOH kaj dikloro Cl2. Kiam tiuj du produktoj estas kunigitaj, ekestas, almenaŭ ĉe malaltaj temperaturoj, krom NaCl ankaŭ NaClO.