Trotuaro de famo en Holivudo

La Walk of Fame (esperante "Irejo de Famo", "Fampromenejo" aŭ "Trotuaro de Famo") estas trotuaro laŭlonge de Hollywood Boulevard kaj Vine Street en Holivudo (Los-Anĝeleso, Kalifornio), sur kiu legeblas la nomoj de multaj kinosteluloj. Ĝi estis desegnita de la sudkalifornia artisto Oliver Weismuller, dungita en la 1950-aj jaroj de la urbo por doni al Holivudo novan aspekton. La Walk of Fame estis unu el pluraj plibonigaĵoj, kiujn la urbo entreprenis tiutempe.

Trotuaro de famo en Holivudo
Estas monumento, avenuo, halo de famo, famulopromenejo, vidindaĵo [+]
Lando	Usono
Regiono	Kalifornio
Situo	Los-Anĝeleso
- koordinatoj	34° 6′ 5″ N, 118° 20′ 42″ U (mapo)34.1014-118.34496666667
Trotuaro de famo en Holivudo (Los-Anĝeleso) DEC
Trotuaro de famo en Holivudo
Vikimedia Komunejo:  Hollywood Walk of Fame [+]
En TTT: Oficiala retejo [+]

Ĝi nun entenas pli ol 2 600 kvinpintaj steloj kun nomoj de filmsteloj ne nur homaj sed ankaŭ tute fikciaj, celebritaj de la holivuda ĉambro de komerco pro iliaj kontribuoj al kinindustrio. La Trotuaro de Famo estas prizorgata de la memfinancita fondaĵo Hollywood Historic Trust. La unua stelo, inaŭgurita la 9-an de februaro 1960, iris al la aktorino Joanne Woodward.

Ĉiu stelo enhavas rozkoloran mozaikon kun latuna kadro. En la stelo estas fiksita la nomo de la honora gajninto super unu el kvin specoj, kiuj simbolas kvin specojn de kontribuo al la distra industrio:

• Kineja fotilo - simbolas kontribuon al la filmindustrio;
• Televido - simbolas kontribuon al la televida industrio;
• Gramofondisko - simbolas kontribuon al la muzika industrio;
• Radio-mikrofono - simbolas kontribuon al la radio-industrio;
• Paro de tragediaj kaj komediaj maskoj - simbolas kontribuon al la teatra industrio.

En 1978, Los-Anĝeleso deklaris la Avenuon de la Steloj ejo kun kultura kaj historia signifo.

Novaj steloj estas elektitaj el kelkaj kandidatoj anoncitaj ĉiujare la 31an de majo. La Avenuo de la Steloj-Konsilio okazigas kunvenon ĉiujare en junio por elekti la famulojn, kiuj ricevos la stelon la sekvan jaron. Stel-donantaj ceremonioj estas malfermitaj al la publiko, gvidataj de la urbestro de Holivudo.

George Eastman estas la nura persono reprezentata per du steloj en la Trotuaro de famo en Holivudo agnoskante la saman atingon, nome lia invento de rulfilmo.

La fikciuloj, kiuj ricevis stelojn, inkluzivas Bugs Bunny, Mickey Mouse, Woody Woodpecker - la Pegedo, Urseto Winnie la Pu, Anaso Donaldo, Godzilo, P. Wei Herman, Kermit la rano, C-3PO, Lassie, Rugrats, La Simpsonoj, Minnie Mouse kaj Neĝulino.

Vidu ankaŭ

• Ĉina Teatrejo (Los-Anĝeleso)
• Egipta Teatrejo (Los-Anĝeleso)

Bildaro

• 
  Trotuaro de famo en Holivudo
• 
  Kantistoj sur la Trotuaro de famo
• 
  La stelo de Joanne Woodward sur la Trotuaro de famo en Holivudo, ĝi aperis sur la trotuaro kiel la unua stelo
• 
  La stelo de Ignacy Jan Paderewski sur la Trotuaro de famo en Holivudo
• 
  La stelo de Pola Negri sur la Trotuaro de famo en Holivudo
• 
  La stelo de Charlie Chaplin sur la Trotuaro de famo en Holivudo, 1972.
• 
  La stelo de Donald Trump sur la Trotuaro de famo en Holivudo.