Malfermi la ĉefan menuon

Itinero de Antonino

Iter Britanniarum, montrata kiel vojprogramo. La grafikaj itineroj kaj haltejoj estas proksimumaj kalkuladoj. La muro de Antonino kaj la Muro de Hadriano estas montritaj.

La Itinero de Antonino (latine: Itinerarium Antonini Augusti, laŭvorte "La Itinero de la Imperiestro Antonino") estas fama itinero, registro de la stacioj kaj distancoj laŭ diversaj vojoj. Ŝajne surbaze de oficialaj dokumentoj, eble de enketo farita sub Aŭgusto, ĝi priskribas la vojojn de la Romia Imperio. Pro la malabundeco de aliaj konservitaj registroj de ĉi tiu tipo, ĝi estas valora historia registraĵo.

Preskaŭ nenio sciiĝas pri ĝia dato aŭ aŭtoreco. Fakuloj opinias ke verŝajne la origina eldono estis preparita komence de la 3-a jarcento. Kvankam ĝi tradicie atribuas la patronecon al Antonino Pia, la plej malnova konservita kopio estis asignita al la tempo de Diokleciano.