Kastelo de Caccamo
La Kastelo de Caccamo (itale: Castello di Caccamo) estas kastelo en Caccamo, Sicilio. Ĝi estas inter la plej grandaj kaj plej konservitaj normandaj kasteloj en Sicilio, kaj unu el la plej grandaj en Italio.
| Kastelo de Caccamo | |||
|---|---|---|---|
 | |||
| burgo • military museum building • historical park museum • museum of a public entity [+] | |||
| Koordinatoj | 37° 55′ 55″ N, 13° 39′ 36″ O (mapo)37.931976413.6601151Koordinatoj: 37° 55′ 55″ N, 13° 39′ 36″ O (mapo) | ||
| Areo | 0 km² (0 ha) [+] | ||
| Poŝtkodo | 90012 [+] | ||
|
|||
 |
|||
| Kastelo de Caccamo | |||
 Vikimedia Komunejo: Castello di Caccamo [+] |
|||
La kastelo estis konstruita sur kruta klifo, 521 metrojn super marnivelo. Ĝi preteratentas la ĉirkaŭan kamparon, inkluzive de la river-valo San Leonardo kaj la artefaritan Rosmarina lago.
La kastelo kiel ĝi hodiaŭ aspektas, estis konstruita de Matteo Bonnello en la 12-a jarcento. Ĝi poste estis modifita de la familio Chiaramonte en la 14-a jarcento, kaj de aliaj regantoj ĝis la 17-a jarcento. La kastelo estas granda strukturo konstruita el blanka ŝtono, havanta neregulan planon. Ĝi havas murojn kun kreneloj V-formaj, turoj, ĉirkaŭfosaĵo kaj korto. La interno konsistas el labirinto de ĉambroj kaj ŝtuparoj.
La plej rimarkinda ĉambro en la kastelo estas la Sala della Congiura, ankaŭ konata kiel la Konspira Salono. En 1160, iuj normandaj baronoj kunvenis en ĉi tiu ĉambro por konspiri kontraŭ Vilhelmo la 1-a, sed la ribelo malsukcesis.
Partoj de la kastelo disfalis dum tertremo en 1923. La kastelo estis loĝita de posteuloj de la Dukoj de Caccamo ĝis ĝi estis aĉetita de la Regiono de Sicilio en oktobro 1963. Ekde tiu momento, la kastelo estis en ruinoj. Restariga laboro financata de la Regiono de Sicilio komenciĝis en 1974.