Gradefes

Gradefes [graDEfes] estas municipo en la oriento de la provinco Leono, en la regiono Kastilio-Leono, Hispanio. Ĝi apartenas al komarko Tierra de León, en la centroriento de la provinco.

Gradefes
municipo en Hispanio vd
Flago	Blazono
Administrado
Poŝtkodoj 24160 • 24161 • 24166 • 24165 • 24164 • 24878 vd
En TTT	Oficiala retejo [+]
Demografio
Loĝantaro	944  (2023) [+]
Loĝdenso	5 loĝ./km²
Geografio
Geografia situo	42° 37′ N, 5° 14′ U (mapo)42.623838888889-5.2263388888889 [+]
Alto	851 m [+]
Areo	205,86 km² (20 586 ha) [+]
Horzono	UTC+01:00 [+]
Gradefes (Provinco Leono) DEC Situo de Gradefes
Gradefes (Hispanio) DEC Situo de Gradefes
Alia projekto
Vikimedia Komunejo Gradefes [+]

Komarkoj de la provinco Leono; Tierra de León centroriente, flave.

Monaĥinejo Santa María de Gradefes.

Kapelo de la Monaĥinejo Santa María de Gradefes.

Tomboj en la Monaĥinejo Santa María de Gradefes, eble de la gefondintoj.

Geografio

Ĝia municipa teritorio estas formata de la loĝlokoj Cañizal de Rueda, Carbajal de Rueda, Casasola de Rueda, Cifuentes de Rueda, Garfín, Gradefes, Mellanzos, Nava de los Caballeros, Rueda del Almirante, San Bartolomé de Rueda, San Miguel de Escalada, Santa Olaja de Eslonza, Valdealcón, Valdealiso, Valduvieco, Villacidayo, Villanófar, Villarmún kaj Villarratel.

Ĝi okupas totalan areon de 205,86 km² kaj laŭ la demografia informo de la municipa censo fare de la INE en 2021, ĝi havis 925 loĝantojn. Ĝi perdis preskaŭ 4 000 loĝantojn el la mezo de la 20-a jarcento pro la migrado el ruraj zonoj al urboj. Ĝi distas 36 km de Leono, provinca ĉefurbo.

Historio

En Mezepoko okazis reloĝado. La areo apartenis al la Regno Leono. Estis kaj restas du gravaj ge-monaĥejoj, nome Monaĥinejo Santa María de Gradefes kaj Monaĥejo San Miguel de Escalada.

La Monaĥinejo havas romanikan preĝejon, klostron ktp. Ĝi estis fondita en la 12-a jarcento kaj trapasis gravajn historiajn okazaĵojn; nun la monaĥinoj blogas interrete.

La Monaĥejo havas mozarabajn elementojn, estis fondita en la 10-a jarcento, eble rilate al reloĝado, uzante materialojn el romianoj kaj visigotoj. Lastatempe la regiona registaro helpis la restaŭradon de la konstruaĵaro.

Tradiciaj enspezofontoj estas agrikulturo (cerealoj) kaj brutobredado. Lastatempe kultura kaj rura turismo plie ekgravis (popola arkitekturo, historia heredo, piedirado).

Bildaro

• 
  Preĝejo de la Monaĥejo San Miguel de Escalada.
• 
  Romiaj kolonofustoj ĉe la Monaĥejo San Miguel de Escalada.
• 
  Mozarabaj hufarkoj ĉe la Monaĥejo San Miguel de Escalada.
• 
  Visigotaj tomboŝtonoj reuzitaj ĉe la Monaĥejo San Miguel de Escalada.
• 
  Romanika ampleksigo ĉe la Monaĥejo San Miguel de Escalada farita en la 11-a jarcento.
• 
  Interno de la Monaĥejo San Miguel de Escalada.
• 
  Preĝejo de Garfín.
• 
  Forno ĉe Garfín.
• 
  Sunhorloĝo ĉe Garfín.
• 
  Nava de los Caballeros
• 
  Ruinoj de la Monaĥejo San Pedro de Eslonza ĉe Santa Olaja de Eslonza
• 
  Valdealcón

Vidu ankaŭ

• Municipoj de Provinco Leono