Internacia Naturista Organizo Esperantista
(Alidirektita el Naturista Vivo)
Internacia Naturista Organizo Esperantista (INOE) estas esperantista faka asocio pri nudismo. La asocio kunlaboras kun la Universala Esperanto-Asocio kaj rilatas kun la Internacia Naturista Federacio.
| Internacia Naturista Organizo Esperantista | |
|---|---|
| Prezidanto | Thierry Spanjaard (Francio) |
| Estrarano | Jerzy Czarnohorski (Pollando) |
| Estrarano | |
| Sekretario | Rosy Inaudi (Francio) |
| Kasisto | Jozefo Nemeth (Hungario) |
| Membroj | 50 (2018) |
Revuo Naturista Vivo
redaktiNaturista Vivo estas la esperantlingva kolore ilustrita fakrevueto, eldonata ekde la jaro 1960 kaj iniciatita de la dan-usona fotisto Leif Heilberg. Naturista Vivo publikiĝas kvarfoje jare, en formato A5 kaj ampleksas po 16 paĝoj. Ekde la jaro 1999 redaktas ĝin la hungara esperantisto Jozefo Nemeth.
Oni povas aboni Naturistan Vivon (aŭ peti provekzempleron) ĉe la redaktoro/kasisto Jozefo Nemeth (naturista.vivo@gmail.com). Baza abonkotizo estas €15,—.