Nico Nico Douga
japana videoretejo
Nico Nico Douga (japane: ニコニコ動画 [niko niko doŭga]) estas ttt-ejo, videospektejo fondita la 12-an de decembro 2006. Sur tiu ttt-ejo la uzantoj povas spekti filmetojn, datumflue transportatajn al la komputilo de la spektanto, kaj alŝuti proprajn filmetojn. Fama eco de la retejo estas tio ke, malsimile al aliaj videoretejoj, anstataŭ aldoni komentojn kiuj videblas en listo sub la video, oni povas aldoni komenton dum oni spektas filmeton, kaj postaj spektantoj vidos ĝin veni trans la video en la sama sekundo en kiu tiu spektanto entajpis ĝin.