Pirekso estas vitro el borosilikato, kun malgranda koeficiento de termika ekspansio. En optiko ĝin oni uzas por speguloj, kaj ne por travideblaj sistemoj, ĉar ĝi estas malhomogena.

Laboratoria konusa botelo el pirekso

Ĝia ĉefa uzo estas fari varmorezistajn ujojn, ĉar danke al ĝia malgranda koeficiento de termika ekspansio, ĝi rezistas kontraŭ abruptaj ŝanĝoj de temperaturo.

La nomo pirekso devenas el la registrita marko Pyrex (prononcu [pireks]) patentita en 1915 de Corning Incorporated, usona firmao pri vitro kaj ceramiko.