Pleŭrono (mitologio)

Pleŭrono (en la helena Πλευρών) estas en la helena mitologio filo de aitolia reĝo Aitolo kaj lia edzino Pronoa.

Pleŭrono
rolulo de helena mitologio
Informoj
Sekso	vira
Patro	Etolo
Patrino	Pronoe
Gefratoj	Kalidono
Edzo/Edzino	Xanthippe
Infanoj	Agenoro • Stratonice daughter of Pleuron • Sterope • Laophonte

Pleŭrono kun sia frato Kalidono fondis en Aitolio urbojn, kiuj estis nomataj laŭ ili. Edzino de Pleŭrono fariĝis Ksantipa, filino de Doro. Ŝi naskis al li filon Agenoron kaj filinojn Steropon, Stratonikon kaj Laofonton.

Pleŭrono estis en Sparto adorata kiel heroso, forpasinto, al kiu estis atribuata kapablo interveni en homan vivon, ĉar oni konsideris lin antaŭulo de Leda, edzino de sparta reĝo Tindareo.

En tiu ĉi artikolo estas uzita traduko de teksto el la artikolo Pleurón (mytologie) en la ĉeĥa Vikipedio.