Poŝtadresoj en Japanio

Poŝtadresoj en Japanio (japane: 住所 Jūsho) estas bazitaj je administraj unuoj kaj devenas de historiaj partigoj por impostoj.

Aufbau

Adresoj enhavas jenajn erojn laŭ grandeco de la pli granda al la malpli granda:

• poŝtkodo, prefektujo + 都/to, 道/dō, 府/fu aŭ 県/ken
• urbo + 市/shi aŭ municipo + 郡/gun
• kvartalo + 区/ku (en grandaj urboj)
• kvartalo aŭ urbeto (ambaŭ:) + 町/chō
• numero de la urbokvartalo + 丁目/chōme (en urboj)
• numero de la dombloko + 番地/banchi (simpligita: + 番/ban)
• numero de la bieno + 号/gō
• nomo de la konstruaĵo (dependas)
• eble numero de apartamento + 号/gō aŭ numero de ĉambro + 号室/gōshitsu
• nomo de la persono + 様 (titolo)

Urbeto aŭ kvartalo povas esti dividita en 大字 (Ōaza) kaj tio denove en 小字 (Koaza), aŭ mallonge 字 (Aza). Kontraŭe al aliaj indikoj, tiuj estas skribitaj antaŭ la nomo, aŭ simple forlasitaj.

Japanaj poŝtkodoj (郵便番号 Yūbin-bangō) estas sepciferaj kun streketo inter la tria kaj kvara cifero. Antaŭprintitaj dokumentoj ofte surhavas la signon por japana poŝto (〒).

Numeroj ene de kvartalo aŭ kampara vilaĝo estas kutime indikitaj sen aliaj indikoj kaj nur disigitaj per streketo.

La kvartalo Chō (丁) el -chōme (丁目) estas ankoraŭ nuntempe grava administra unuo. Ĉiu Chō elektas el ĉirkaŭ 100 loĝantoj unu maljunulon, kiu respondecas kaj komunikas pri certaj aferoj.

Kiam la adresoj estas skribita latine (romaji), la sekvo de la eroj estas kutime inversita.

Ekzemple

Litero al la prezidanto de la japana poŝto en Tokio surhavus jenajn adresojn skribitajn aŭ per kanji aŭ romaji (kategoriindikoj grase):

100-8798 東京都	Mr. Ikuta Masaharu
千代田区	1, Kasumigaseki 3-2
霞ヶ関1-3-2	Chiyoda-ku, Tokyo
生田正治様	100-8798 Japan

Tokio estas speciala kazo, ene kies kvartalo oni ne indikas la urbon.

Kampara adreso povus esti:

463-9260 岐阜県	Ms. Kawaguchi Ichiko
上田郡　中村町 2639-34	2639, Nakamura-chō 34
川口一子様	Kamida-gun, Gifu
	463-9260 Japan

Eksteraj ligiloj

• Oficiala ttt-ejo de la japana poŝto (angle) Arkivigite je 2007-05-10 per la retarkivo Wayback Machine
• Kutima formato por japanaj adresoj laŭ la internacia poŝta unuiĝo (pdf, angle)