Racing Club Portuense
La Racing Club Portuense estas hispana futbala klubo en El Puerto de Santa María, provinco Kadizo (Andaluzio). Ĝi fondiĝis la 10-an de februaro 1928. Ĝi estas la plej malnova klubo de la urbo kaj la plej grava laŭ trofearoj, membreco, kaj historio.
Historio redakti
Ĝi fondiĝis en februaro 1928, iĝante unu el la plej malnovaj teamoj en la regiono kaj la unua sporta institucio en la urbo El Puerto de Santa María, ĉe la atlantika marbordo de la provinco Kadizo.
En la sezono 2004/2005, ĝi partoprenis la altiĝ-turniron al Dua Divizio. En la sezono 2005/2006, ĝi gajnis la ĉampionecon de la deka grupo en la 3-a divizio, reenpartoprenante en la altiĝ-turniron al la Dua Hispana Divizio B. Venkinte kontraŭ Arenas de Armilla kaj CD Toledo en la altiĝo-eliminatorio, ĝi sukcesis altiĝi kaj partopreni la sezonon 2006/2007 en la Dua Divizio B en la grupo IV.
En la sezono 2006/2007, en la 37-a ludo, ĝi venkis kontraŭ Málaga B, tiel matematike atingante la rajton partopreni en la altiĝ-turniron al la 2-a Divizio, por la unua fojo en sia historio. Venkinte kontraŭ Córdoba en la lasta ludo, ĝi finis 3-a. Ĝi ludis la altiĝo-turniron al la ligo BBVA (2-a div.) kaj renkontis kun Rayo Vallecano, sed estis eliminita. En la Copa del Rey sukcesis preterpasi la 3-an rondon de kvalifiko, atingante la 1/16-finalon, kie ĝi renkontis la Valencia CF.
En la sezono 2007/2008, post jaro de malsukceso, ĝi sukcesis eliri el la fundo kaj eviti la malkonstantan promociadon de malsupreniro en la lasta ludo. Bedaŭrinde, en la sekvanta sezono 2008/09, ĝi malsupreniris al la Triapartia Divizio, estante la lasta en la klasifikado.
La sezono 2009/10 komenciĝis kun multaj esperoj por la sekvantaro de Racing Club, kvankam ĉiam markitaj de ekonomia mizero. La klubo turniĝis al konkursa proceso por povi fronti al la ŝuldoj kaj daŭrigi la konkuradon. La sezono ekis kun Francisco Javier Manzano Camacho kiel trejnisto, kiu estis forigita post malregula kampanjo. La teamon poste gvidis Francisco Javier Zafra en la lastaj ludoj, sukcesante savi la kategorion en la lasta ludo de la ligo en la renkonto kontraŭ Puerto Real CF (1-0) en la stadiono José del Cuvillo.
La sezono 2010/11 ekis kun la engaĝigo de la trejnisto Paco Corbeto, maljuna konata de la sekvantaro de Racing Club; kiel dua trejnisto daŭris Francisco Javier Zafra. La fizika parto estis gvidata de Alberto Romero Fernández, kaj kiel novaĵo, estis atingita interkonsento kun la sperta fizioterapeŭto el El Puerto de Santa María, Álvaro Soto Villarreal, por konduki la resanigon de la teamo. La ekonomia politiko de la ento restis aŭstera, antaŭenigante la lokajn ludantojn kaj la junajn talentojn. Je la fino de la sezono, surprize al ĉiuj, la Racing Club Portuense, post granda sezono, finis je la 6-a loko.
En la sezono 2011/2012, la teamo de El Puerto estis gvidita de David Galisteo Moreno kaj prezidita de Ignacio Corzo Benítez. La 15-a de aŭgusto 2013, la klubo ĉesis oficialan konkuradon pro la administracia konkursa proceso, en kiu ĝi estis submergiĝanta.
La 11-a de aŭgusto 2017, post finiĝo de la administracia konkursa proceso, grupo de lokaj amantoj anoncas projekton por ke la Racing Club Portuense rekomencu konkuradon, ekde la 3-a andaluza divizio. Je la fino de la sezono 2018-19, ĝi restis je unu poento for de altiĝo al la Dua Andaluza Divizio, sed kelkajn semajnojn poste, atingis la altiĝon post la forigo de la federaciaj estroj de CD La Salle de Puerto Real kaj de Atlético Sanluqueño B.
En la sezono 2020-21, la Racing Club atingis la 2-a lokon en sia subgrupo kaj gajnis la altiĝon al la Unua Andaluza Divizio, kune kun San Fernando B. Ĉio tio, dank' al la plej bontirata ludanto de la teamo, Corbi, kiu sukcesis atingi la impresan kvanton de 32 goloj en tiu sezono.