Regiono Kayes

Kayes (Kajes) estas regiono en Malio, kun ĉ. 1.900.000 loĝantoj (2007). Ĝia ĉefurbo estas la samnoma urbo Kayes, pliaj urboj estas Nioro du Sahel kaj Bafoulabé.

Pejzaĝo en nordokcidento de Kayes, proksime al la senegala limo

Etnoj en Kayes estas la kasonkeoj, malinkeoj, soninkeoj kaj fulbeoj.

GeografioRedakti

La regiono Kayes situas en okcidenta Malio, limante al Gvineo, Senegalo kaj Maŭritanio. La klimato estas relative humida en la sudo, meze etendiĝas la sudana ebenaĵo kaj norde la Sahela zono.

Ĉe Bafoulabé kunfluas la riveroj Bafing kaj Bakoyé kaj formas la riveron Senegal.

HistorioRedakti

Komence de la 19-a jarcento, tie ekzistis la reĝlando de Khasso.

En 1892, urbo Kayes iĝis ĉefurbo de kolonio Franca Sudano.

DistriktojRedakti

Bafoulabé, Diéma, Kita, Kéniéba, Kayes, Nioro du Sahel, Yélimané