Kavernoj de Sloup-Ŝoŝuvka: Malsamoj inter versioj

Granda naturportalo kondukas ĝis ''Nenio-groto'' (la nomo laŭ „nenioŝtoneto“ – blanka kaĉa kalkŝtona materio sur muroj). 36 m longa kaj 21 m alta ''Katedralo'' kun riĉa karsta ornamaĵo krutas antaŭ la sekvanta ''Elinjo-groto''. Per sia eminenta akustiko ĝi estas rekte kreita por intermitaj koncertoj de muzik- kaj kantist-ensembloj. Longa artefarita trafosaĵo kondukas de ĉi tie ĝis ''Sloup-grotoj – Malnovaj rokoj'', la plej grandegaj kaj plej longe konataj spacoj. Ilia ''Ĉefa Katedralo'' havas dimensiojn 70 x 40 x 10 m. En fortegaj surfluaĵoj estas tavoloj kun multaj ostoj de [[plejstoceno|plejstocenaj]] bestoj. Vizitvojo kondukas sur nova ponto tra ''Grada abismo'' kaj ĉirkaŭ ''Perpendikla'' ĝis la plej profunda, okdekmetra ''Abismo de Nagel''. Ĉiuj kondukas ĝis la suba etaĝo kaj dum pli altaj akvaj statoj aŭdiĝas el ili efika muĝado de la subtera rivero. Tra ''Arĝenta koridoro'' kun vico da historiaj surskriboj estas Sloup-grotoj kunigitaj kun ''Šošůvka-grotoj''. Ili diferenciĝas per rompiĝema kaj pli konserva karsta ornamaĵo, en kiu eminentas globsimilaj [[stalagmito|stalagmitoj]] kaj fama stalagmito ''Kandelingo'' kun sintra kolumo (ĝi estiĝis ĉe surfaco de la fora lago kaj ĝi fariĝis simbolo de tiuj ĉi grotoj). Ankoraŭ unu abismo, 66 m profunda ''Nigra'', kondukas el ili ĝis suba etaĝo. El Arĝenta koridoro eblas trairi tra artefarite trafosita galerio ĝis groto ''Lignotenejo'', kiu estas la signifa arkeologia trovejo.

 

 

 

 

En la ĉirkaŭaĵo eblas viziti ankaŭ vilaĝon [[Sloup]], alirebligitaj kavernon [[Kaverno Balcarka|Balcarka]], [[Katarina kaverno|Katarina kavernon]] aŭ [[Kavernoj ĉe Punkva|Kavernojn ĉe Punkva]], abismon [[Macocha]] kaj aliajn lokojn en [[Moravia karsto]].