Gershom Scholem: Malsamoj inter versioj

'''Gershom Scholem''' (naskiĝis la 5-an de decembro 1897 en [[Berlino]], mortis la 21-an de februaro 1982 en [[Jerusalemo]], eminenta esploristo de [[judismo|juda]] [[mistikismo]], [[filozofo]], profesoro de la [[Hebrea Universitato de Jerusalemo]].

 

Li naskiĝis en [[Germanio]] en asimilita [[judoj|juda]] familio. En juneco ligiĝis al [[cionismo|cionisma]] movado. Unue studis [[matematiko]]n en Berlino, sed ĝin ne finis. En la jaroj 1917-1918 studis matematikon kaj filozofion en [[Jena]], kaj en 1918-1922 filozofion, [[judismo]]n kaj [[semida lingvaro|semidajn lingvojn]] en Berlino kaj [[Munkeno]]. En tiu ĉi tempo konatiĝis kun la plej eminentaj germanaj judoj. Ekkonis Martin Buber, Franz Rosenzweig kaj [[Walter Benjamin]]. Buber inklinis lin okupiĝi pri juda mistikismo. Persone fascinis pri medio de ortodoksaj [[ĥasidismo|ĥasidoj]], kiun ekkonis en Berlino. Dum mallonga tempo lekciis en la [[Universitato de Berlino]], sed jam en 1923 veturis al [[Palestino]]. En la jaroj 1925-1964 laboris kiel lekciisto de judismo kaj juda mistikismo en la Hebrea Universitato de Jerusalemo. Partoprenis aktive en la movado pri repaciĝo juda-[[araboj|araba]]. Vojaĝadis al kunsidoj de intelektuloj en [[Ascona]], kie i.a. ekkonis [[Carl Gustav Jung]] kaj [[Mircea Eliade]]. En 1959 esploradis en [[Pollando]].

 

Gershom Scholem dum la vivo estis aŭtoritato pri juda mistikismo, kaj lia laboro kaj personeco ekdominis tiun ĉi [[scienco]]n. Ankaŭ hodiaŭ, malgraŭ kreskanta kritiko flanke de junaj esploristoj, liaj laboraĵoj restas fundamentaj por tiu ĉi branĉo de judismo. Sian doktorigan tezon dediĉis al la libro [[Sefer ha-Bahir]], kaj en la unuaj jaroj de sia scienca laborado ekprofundiĝis en [[kabalo]]n. Aparte valoraj estas liaj esploroj pri la doktrino de Sabbataj Cvi, en kiu vidis esencan faktoron de la evoluo de juda mistikismo ĝis la 18-a jarcento, kontraŭe al siaj antaŭuloj, kiuj vidis tie nur marĝenan epizodon. Rezulte de la laboraĵoj de Scholem sekvis rekono de mistikismo kiel esenca kaj neforviŝebla elemento de la juda kulturo kaj religiemo. En 1941 eldonis sian opus magnum - ''Die jüdische Mystik in ihren Hauptströmungen'', kiu ĝis hodiaŭ estas konsiderata kiel aparte valora. Aliaj gravaj temoj traktataj de Scholem estas problemo de [[mesianismo]], kiu estis por li unu el ĉefaj motoroj de ŝanĝiĝo en mistikismo kaj juda [[gnostikismo]], laŭ kiu konsideris ekzemple la Mistikon de Merkaba. Kiel la unua okupiĝis pli profunde pri la temaro de germana ĥasidismo kaj [[profeto|profeta]] kabalo de Abraham Abulafia. Nun en la Hebrea Universitato agas Centro de Esploroj pri Juda Mistikismo kaj Kabalo je la nomo de Gershom Scholem. Ankaŭ estas atribuataj premioj je lia nomo pro eminentaj atingoj en la fako.

 

* ''Judaizm. Parę głównych pojęć'' (Judismo. Kelke da ĉefaj [[nocio]]j), [[Krakovo|Kraków]] 1991

* ''Kabała i jej symbolika'' (Kabalo kaj ties [[simbolo]]j), Kraków 1996

* ''Żydzi i Niemcy. Eseje. Listy. Rozmowa'' (Judoj kaj [[germanoj]]. [[Eseo]]j. Leteroj. Konversacio), [[Sejny]] 2006 - Kolekto da eseoj de Gershom Scholem kiel atestanto kaj komentisto de sociaj kaj intelektaj ŝanĝiĝoj ene de la mondo de germanaj judoj komence de la 20-a jarcento.

 

* [http://tabletmag.com/images/features/feature_806_story2.jpg Foto de Gershom Scholem en pli juna aĝo]

 

[[Kategorio:Germanaj bibliotekistoj]]

[[Kategorio:Kabalistoj]]