Johann Schröder: Malsamoj inter versioj

'''Johann SCHRÖDER''' (ŝröder) (naskiĝis en [[1869]], mortis la [[13-an de januaro]] [[1928]] en [[Vieno]]), estis [[Aŭstrio|aŭstrogermana]] redaktoro, prezidanto de la organizo de germanlingvaj esperantistoj de [[Aŭstrio-Hungario]] kaj membro de la [[Lingva Komitato]] (LK).

Schröder iniciatis la Esperanto-movadon en Vieno, kie li fondis Esperanto-klubon en [[1902]], kies unua prezidanto li estis. Li ankaŭ estis prezidanto de [[Ligo de Germanaj Esperantistoj en Aŭstrio]], kiu ekzistis antaŭ la [[unua mondmilito]].

Schröder ĉeestis la [[1-a UK|1-an]] [[Universala Kongreso|Universalan Kongreson]] (UK) en [[Bulonjo-ĉe-Maro]] en 1905, kie li fariĝis ano de la LK. Li ludis gravan rolon en la [[katolika Esperanto-movado]] kaj estante redaktanto de „Neuigkeitsweltblatt" li varbis per regulaj artikoloj. Li oficis kiel prezidanto de [[16-a UK]] en Vieno en 1924 kaj estis komisaro de ŝtata ekzamena komisiono por Esperanto.

Schröder gvidis multajn kursojn. Dum multajn jaroj li redaktis la periodaĵojn „Informaj Raportoj - oficiala organo por la Ligo de Germanlingvaj Aŭstriaj Grupoj Esperantistaj" (1908-1910), poste „[[Germanaŭstria Esperantisto]]" (1910-1914) kaj „[[Espero Katolika]]". Li kunlaboris al „[[Tra La Mondo|Tra la Mondo]]" (aperis de julio 1905 ĝis dec. 1908) kaj „[[Juna Esperantisto]]".

Schröder verkis lernolibron (ĉ. 1907) kaj tradukis la dramon „La verda kakatuo" de [[Arthur Schnitzler]] (1912). Pliajn verkojn vd. en la sekcio "eksteraj ligiloj".

== Literaturo ==

* '''1914''': Kandidatoj al la Lingva Komitato. Schröder, Johann - Vieno. En: [[Oficiala Gazeto Esperantista]] 6-a jaro, 1914, n-ro 8 (63), p. 183-184

{{elEL}} [http://aleph.onb.ac.at/F?func=find-b&file_name=login&local_base=ESPERANTO&find_code=WRD&adjacent=N&request=johann+schroeder Libroj] de kaj pri Johann Schröder en la [[Esperantomuzeo kaj Kolekto por Planlingvoj|Kolekto por Planlingvoj kaj Esperanto-Muzeo]]