Malnova kaj Akceptita Skota Rito

Malnova kaj Akceptita Skota Rito (MAS Rito) estas unu el la plej famaj framasonaj ritoj. Ĝi konsistas el progresiva sinsekvo de 30 altaj gradoj praktikitaj tutmonde, kaj foje 3 bazaj "metiaj" gradoj praktikitaj ĉefe en kontinenta Eŭropo.

La tri unuaj gradoj estas administritaj de Granda Loĝio aŭ Granda Oriento dum la altgradoj estas regitaj de Plejsupra Konsilantaro, po unu en ĉiu lando tradicie (sed ekzistas tre multaj esceptoj). Ne ekzistas tutmonda organizaĵo por tiu rito ĉar ĉiu Plejsupra Konsilantaro estas suverena rilate al sia jurisdikcio.

Gradoj

Por Majstroj, altgradaj aŭ flankogradaj sistemoj, kiel la MAS Rito, kompletigas la inican progreson kun diversaj legendoj, plejofte el la Malnova Testamento aŭ templanaj/kavaliraj moralaĵoj. Ne ĉiuj gradoj estas praktikitaj (plej oftaj estas 4-a, 9-a, 12-a, 14-a, 18-a, 28-a, 30-a, 31-a, 32-a kaj 33-a).

Gradoj de la Malnova kaj Akceptita Skota Rito

Gradoj	Angle (Usono Suda Jurisdikcio1 kaj Anglio)	France2	Esperante
1-a	Apprentice	Apprenti	Metilernanto
2-a	Fellowcraft	Compagnon	Submajstro
3-a	Master	Maître	Majstro
4-a	Secret Matser	Maître Secret	Sekreta Majstro
5-a	Perfect Master	Maître Parfait	Perfekta Majstro
6-a	Intimate Secretary	Secrétaire Intime	Intima Sekretario
7-a	Provost and Judge	Prévôt et Juge	Provosto kaj Juĝisto
8-a	Intendant of the Building	Intendant des Bâtiments	Intendanto de la Konstruaĵo(j)
9-a	Elu/Elect of the Nine	(Maître) Élu des Neuf	Elektito de la Naŭopo
10-a	Elu/Elect of the Fifteen	(Illustre) Élu des Quinze	Elektito de la Dekkvinopo
11-a	Elu of the Twelve / Sublime Elect	Sublime Chevalier Élu	Noblega Elektito / Elektito de la Dekduopo
12-a	Master Architect	Grand Maître Architecte	Majstro Arĥitekto
13-a	Royal Arch of Salomon/Enoch	Chevalier de Royale Arche	Reĝa Arko
14-a	Perfect Elu	Grand Élu Parfait	Perfekta Elektito
15-a	Knight of the East	Chevalier d'Orient	Kavaliro de Oriento
16-a	Prince of Jerusalem	Prince de Jérusalem	Princo de Jerusalemo
17-a	Knight of the East and West	Chevalier d'Orient et d'Occident	Kavaliro de Oriento kaj Okcidento
18-a	Knight/Sovereign Prince Rose Croix	Chevalier Rose+Croix	Kavaliro de Rozkruco
19-a	Grand Pontiff	Grand Pontife	Granda Pontifiko
20-a	Master of the Symbolic Lodge / Venerable Master	Maître Ad Vitam / Vénérable Maître des Loges Symboliques	(Respektinda/Dumviva)3 Majstro de Simbola(j) Loĝio(j)
21-a	(Patriarch) Noachite / Prussian Knight	Chevalier Prussien	Prusa Kavaliro
22-a	Knght of the Royal Axe / Prince of Libanus	Prince du Liban	Princo de Libano
23-a	Chief of the Tabernacle	Chef du Tabernacle	Estro de la Tabernaklo
24-a	Prince of the Tabernacle	Prince du Tabernacle	Princo de la Tabernaklo
25-a	Knight of the Brazen Serpent	Chevalier du Serpent d'Airain	Kavaliro de la Bronza Serpento
26-a	Prince of Mercy	Prince de Mercy	Favorkoreca4 Princo
27-a	Commander of the Temple	Grand Commandeur du Temple	Komandoro de la Templo
28-a	Knight of the Sun	Chevalier du Soleil	Kavaliro de la Suno
29-a	(Scottish) Knight of Saint Andrew	Grand Écossais de Saint André d'Écosse	Kavaliro de Sankta Andreo
30-a	Knight Kadosh	Chevalier Kadosh	Sankta5 Kavaliro
31-a	(Grand) Inspector Inquisitor (Commander)	Grand Inspecteur Inquisiteur Commandeur	Granda Inspektoro Inkvizitoro Komandoro
32-a	Master/Subime Prince of the Royal Secret	Sublime Prince du Royal Secret	Noblega Princo de la Reĝa Sekreto
33-a	(Sovereign Grand) Inspector General	(Souverain) Grand Inspecteur Général	Suverena Granda Ĝenerala Inspektoro

¹ La Usona Suda Jurisdikcio estas la plej malnova el la mondo por tiu rito. ² Nomoj de gradoj plejparte venas el Perfektiga Rito, kiu estis ellaborita en Francio meze de la 18-a jarcento. ³ "Respektinda Majstro" estas la titolo de Loĝiestro. Tiu ofico iam estis "dumviva". ⁴ El la latina mercedem (rekompenso, graco), tra la malnova franca kaj poste la angla mercy (mizerikordo, kompatemo, favorkoreco). ⁵ El la hebra קדוש /kadoŝ/ (sankta, sanktulo).

Gradoj estas praktikitaj en diversaj simbolaj ejoj: Loĝio, Kapitulo, Areopago, Tribunalo, ktp.

Gradoj	Usona Suda Jurisdikcio kaj Francio
1-3	Simola/Blua Loĝio
4-14	Perfektga Loĝio
15-18	Kapitulo
18-30	Areopago
31	Suvereno Tribunalo
32	Konsistorio
33	Plejsupra Konsilantaro