Kurona duoninsulo: Malsamoj inter versioj

La '''Kurona Duoninsulo''' aŭ '''Kurŝa Terlango''' ({{lang-lt|Kuršių nerija}}, {{Lang-de|Kurische Nehrung}}, {{Lang-ru|Куршская коса}}) estas mallarĝa teritorio inter [[Klaipėda]] ([[germana lingvo|germane]] ĝis 1923 ''Memel'') en [[Litovio]] kaj [[Lesnoje]] ([[germana lingvo|germane]] ĝis 1945 ''Sarkau'', prononco "'''Zar'''kaŭ", [[litova lingvo|litove]] ''Sarkuva'') en eksa [[Orienta Prusio]], la hodiaŭa [[regiono Kaliningrado]] apartenanta al [[Rusio]]. De nordo al sudo la duoninsulo longas 98 kilometrojn, el kiuj hodiaŭ 52 apartenas al Litovio kaj 46 al Rusio. De okcidento al oriento ĝi ĉie larĝas malpli ol 4 kilometrojn: la plej larĝa loko, 4 kilometrojn norde de [[Nida]], ampleksas 3,8 kilometrojn, la plej mallarĝa, ĉe Lesnoje, 380 metrojn. Nur ĉe la suda pinto la duoninsulo havas konekton al la Eŭropa kontinento: okcidente troviĝas la [[Balta Maro]] kun kontinua plaĝo el tre fajna sablo, oriente la '''[[Kurona Laguno]]''' ([[litove]] '''Kuršių marijos''', [[germane]] '''Kurisches Haff'''), en kiun sudoriente enfluas la rivero [[Nemunas]], kaj norde la kontinento kun la havena urbo [[Klaipėda]] proksime videblas. La [[istmo]] inter la maro kaj la laguno ĉe Klaipėda larĝas proksimume 300 metrojn, kaj teknike estus simple konstrui ponton, sed por limigi la trafikon al la duoninsulo oni konscie rezignas pri tio, tial ke nur du pramo-linioj, inter ili unu nur por piedirantoj kaj nur la dua ankaŭ por aŭtoj kaj kamionoj, ligas la kontinentan parton de Litovio kaj la duoninsulan.