Dua mafia milito

La dua mafia milito estis konflikto en la Sicila Mafio, disvolviĝinta ĉefe en la fruaj 1980-aj jaroj. Kiel estas la kazo de iu ajn krima organizo, la historio de la sicilia Mafio estas plena de konfliktoj kaj potencaj luktoj akompanitaj de perforto, sed ĝenerale ĉi tiuj ekzistis ekde longa tempo. Tamen, la Dua Mafia Milito, foje nomita La Granda Milito de la Mafio aŭ la Mattanza, implikis la tutan mafian grupon, kaj radikale ŝanĝis la potenc-ekvilibron ene de la organizo.

Multe pli emfazite ol en la unua, la Dua Mafia Milito inkludis surprizan nivelon de perforto, kun pli ol mil murdoj. Ĉi tiu milito kutime troviĝas en la periodo de 1981 ĝis 1983, kaj kvankam la plej multaj el la perfortoj okazis dum tiuj jaroj, la unuaj pafoj estis faritaj en 1978, dum la instigantoj kaj venkintoj preparis sian strategion eĉ de iuj jarojn antaŭe. Simile, la venkintoj daŭrigis kun la buĉado ĝis la malfruaj 1980-aj jaroj, kiam ili disiĝis de siaj aliancanoj.

Paralele kun la milito en la mafio, milito ankaŭ kontraŭ la ŝtato estis disvolvigita kaj kampanjo de konsciaj murdoj de aŭtoritatoj, kiel juĝistoj, prokuroroj kaj eĉ politikistoj. Siavice, la milito kaŭzis turnopunkton en la lukto kontraŭ la mafio, kun la helpo de la pentitoj, mafiuloj, kiu kunlaboris kun la aŭtoritatoj post perdi multajn amikojn kaj familion dum la dua mafia milito. Efektive, la konflikto helpis forigi la sekretecon, kiu ĉirkaŭis la mafion.