Stratego
helena milita kaj politika posteno
|
Por aliaj signifoj, bv. rigardi la apartigilan paĝon: Stratego (apartigilo) |
Stratego (el la malnovgreka στρατηγός / stratêgós) estas supera milita oficiro.
En antikva Grekujo redakti
En antikva Grekio, stratego komandas armeon aŭ floton.
En Ateno, je la 5a jarcento, strategoj havis potencon tiom politika kiom milita. Ekde 501, dek strategoj estis balotitaj ĉiujare de la popula asembleo.
Temistoklo, Kimono, Miltiado kaj Periklo estis famaj strategoj.
En Bizancio redakti
En Bizanca Imperio, ekde la 11a jarcento, stratego estas la oficiro kiu komandas la thema-n (armeo kaj adminstra teritorio).
En nuntempa Grekio redakti
En la nuntempa greka armeo, stratigós (στρατηγός) estas la plej alta oficira rango. Tiun gradon havas la estro de la ĝenerala stabo de la nacia defendo, kiam li estas armea oficiro.