Synsepalum dulcificum

La miraklobero (Synsepalum dulcificum) estas specio el la familio de la Sapotacoj (Sapotaceae).

Kiel legi la taksonomion miraklobero
Biologia klasado
Regno: Plantoj Plantae Divizio: Angiospermoj Magnoliophyta Klaso: dikotiledonuloj dicotyledones Ordo: Ericales Familio: Sapotacoj ‘’Sapotaceae Genro: Synsepalum’’ Specio: S. dulcificum’’’
Dunomo
'Synsepalum dulcificum' (Schumach. & Thonn.) Daniell
Aliaj Vikimediaj projektoj

fruktoj kun semoj

Priskribo

La miraklobero estas ĉiamverda malgranda arbo aŭ arbedo, kiu atingas alton de ĝis 4,5 metroj. Ĝi havas densan foliaron el longecaj ĝis ovalaj folioj. La blankaj floroj kreskas ĉe la akselburĝonoj de falintaj folioj. La planto havas purpurajn berojn kun unu semo, kiuju havas la grandecon de ĉerizo (2 ĝis 3 cm).

Permeso kiel nutraĵo

Ankoraŭ la bero ne estas agnoskita nutraĵo en EU. Tial la komerco de miraklobero kiel nutraĵo ne estas permesita.

Enhavo-substancoj

La planto produktas mirakulinon, kiu estas biologie malpli komplike sintezigebla ol sukero (glukozo).

En okcidenta Afriko la miraklobero estas uzata por plibonigi la guston de acidaj nutraĵoj.

Efiko

La enhavosubstanco mirakulino influas multege la gustan percepton. La gliykoproteino plifortigas la percepton de la lango por dolĉaĵo. Ankaŭ acidaĵoj aŭ amaraĵoj gustas tuj dolĉe, sed la gusto por akraĵon ne ŝanĝiĝas. Ĉi tiu fenomeno daŭras ĝis la mirkulino estas fluigita de la salivo sekreciita en la buŝa kavo, ene de proksimume 15 ĝis 30 minutoj.

Pro la surpriza efiko la konsumado de miraklobero estas pli kaj pli ŝatata en Usono kaj okcidenta Eŭropo.

Disvastigo

La miraklobero kreskas en la malaltebenaĵoj de la varmegaj kaj humidaj tropikoj. Ĝi indiĝenas en la tropika okcidenta Afriko. Tie ĝi fruktas dufoje jare, ĉiam post la pluvsezono. La grundo estu acida (pH inter 4,5 kaj 5,8) kaj humida. Ĝi ne toleras froston.

Sistematiko

Tiu ĉi specio estis priskribita en 1827 sub la nomo Bumelia dulcifica fare de Heinrich Christian Friedrich Schumacher & Peter Thonning en Beskrivelse af Guineeiske planter, p. 130-131. William Freeman Daniell metis ĝin 1852 sub la nomo Synsepalum dulcificum en Pharmaceutical Journal and Transactions, 11, p. 445. al la genro Synsepalum. Pliaj sinonimoj estas : Bakeriella dulcifica (Schumach. & Thonn.) Dubard, Bumelia dulcifica Schumach. & Thonn., Pouteria dulcifica (Schumach. & Thonn.) Baehni, Richardella dulcifica (Schumach. & Thonn.) Baehni, Sideroxylon dulcificum (Schumach. & Thonn.) A.DC.

Eksteraj ligiloj

• Mallongaj informoj pri la specio el Ecology & Evolutionary Biology Department, University of Connecticut angle
• Donna McVicar Cannon: [1] und [2]
• [3] Arkivigite je 2007-06-30 per la retarkivo Wayback Machine
• Geschmackssinn: Unmögliches geschieht im Mund (gustosento: miraklo okazas en la buŝo) el FAZ.NET vom 17. März 2010.