Turo Ligny
Turo de Ligny (itale Torre di Ligny, sicilie Turrignì) estas marborda gvatoturo en la provinco Trapanio, Sicilio. Ĝi estis konstruita inter 1671 kaj 1672 en strategia pozicio sur la okcidenta marbordo de la urbo por defendi la urbon kontraŭ atakoj de la berbaraj militsolduloj. Hodiaŭ, la turo estas en bona stato, kaj ĝi estas malfermita al la publiko kiel arkeologia muzeo.
| Turo Ligny | ||||
|---|---|---|---|---|
 | ||||
gvatoturo 
| ||||
| Estiĝo | 1983 | |||
| Lando | Italio vd
| |||
| Situo | Trapani | |||
| Adreso | Via Torre di Ligny | |||
| Situo | ||||
| Geografia situo | 38° 1′ 9″ N, 12° 29′ 51″ O (mapo)38.0191912.497378Koordinatoj: 38° 1′ 9″ N, 12° 29′ 51″ O (mapo) | |||
| ||||
 Turo Ligny | ||||
Ĝi estis nomita laŭ la Vicreĝo de Sicilio, Claude Lamoral, tria princo de Ligne, kiu ordonis ĝian konstruon. La turo estis desegnita de la flandra arkitekto Carlos de Grunenbergh. Ĝi havas kvadratan bazon kun mallarĝaj muroj, kun kvar angulaj turetoj kiuj origine enhavis lanternojn.
La turo estis proponita en kunveno okazinta en Palermo la 11-an de januaro 1670. Konstruado komenciĝis en 1671, kaj ĝi estis inaŭgurita en oktobro 1672.
Trairejo liganta la turon kun la kontinento estis konstruita en 1806, kaj pafiloj estis instalitaj sur la tegmento de la turo ĝis 1862. Ĝi poste estis utiligita kiel lumtura stacio, sed ĝi estis poste prirezignita.
En la Dua Mondmilito, la turo estis uzita de la Reĝa Mararmeo kaj estis armita per kontraŭaviadaj pafiloj.