Uarsenis

Uarsenis, Ouarsenis aŭ Uanĉaris (arabe الونشريس El Uanĉaris aŭ Al-Ŭanŝaris, Berbere: Uarsnis, signife "nenio pli alta") estas montaro en nordokcidenta Alĝerio.

Uarsenis (1985 m).

Geografio

Tiu montaro situas je ĉirkaŭ 80 km sude de Mediteraneo, inter la basenoj de la rivero Ĉelif norde kaj oriente, de Ued Mina okcidente kaj la altebenaĵo Sersu sude. Ĝi atingas sian maksimuman alton de 1,985 m en la Monto Sidi Amar, ĉe Bordj Bunama 60 km okcidente de Tissemsilt. Aliaj gravaj pintoj estas Aŝun (1850 m), Sidi Abdelkader, Monto Tamedrara kaj Kef Siga. Tiu montarareo estas loĝata de Berberoj.

Naturo

Kvankam parto de ties deklivoj estis tradicie uzataj por kreski cerealojn, tiu montaro ankoraŭ havas relative grandajn naturajn arbarojn de Atlasa cedro.