Apsana Giri
Apsana GIRI [apŝana giri] (naskiĝis la 21-an de aprilo 1981 en Katmando, mortis la 2-an de januaro 2008 apud Angola en Usono) estis nepala esperantistino el Katmando, prezidantino de NEJO kaj iniciatinto de ties revuo Templo. Ŝi partoprenis interalie la 61-an IJK-n en Zakopane (2005) kaj la 92-an UK-n en Jokohamo (2007). El la UK en Jokohamo ŝi rekte pluflugis al Usono, kie ŝi en septembro 2007, parte pro siaj esperanto-kontaktoj, komencis sekvi magistran studon de biologiaj sciencoj ĉe Bowling Green State University en Bowling Green en la usona ŝtato Ohio.
| Apsana Giri | |
|---|---|
| Persona informo | |
| Naskiĝo | 21-an de aprilo 1981 en Katmanduo |
| Morto | 2-an de januaro 2008 (26-jaraĝa) en Angola |
| Lingvoj | Esperanto |
| Ŝtataneco | Nepalo |
| Okupo | |
| Okupo | esperantisto |
Morto redakti
Post finstudo de la unua semestro, la 2-an de januaro 2008 proksimume je 00:20, Apsana kiel 26-jara pereis pro trafikakcidento, kiam dum reveno de ŝi kaj ŝiaj ses studentaj geamikoj (baratanoj kaj unu bangladeŝano kiu ŝoforis) el novjara restado en Ĉikago ilia luita kamioneto akcidentis kaj renversiĝis sur la neĝkovrita interŝtata ŝoseo I-80 apud Angola kaj dum el la veturantoj du viroj suferis malgrandajn vundoj je la kapo, Apsana mortis surloke pro prema traŭmato kaj estis trovita sub la aŭtomobilo, kaj ŝia 25-jara kalkuta samĉambranino Sweety Mazumdar estis eble trafita de preterpasanta aŭtomobilo veturanta en la kontraŭa direkto kaj mortis post transporto en la malsanulejon Parkview Hospital en Fort Wayne je 05:25. Laŭ la polico, la du knabinoj estis elĵetitaj el la aŭto kiam ĝi koliziis kun la mezo de la ŝoseo, sed la policanoj ne povis diri ĉu la malbona vetero kontribuis al la akcidento. La funebro de Apsana okazis la 13-an de januaro en Pashu Patinath en Katmando.
Kuriozaĵoj redakti
Apsana Giri aperas momente en la filmo Esperanto estas... produktita de E@I en novembro 2008.
Referencoj redakti
- TEJO Tutmonde 128 (2008:2), paĝo 11
- 2 Dead, 5 Injured on Indiana Turnpike with BGSU Ties
- College van rolls on Toll Road, 2 students dead
- BGSU mourns 2 who died in crash[rompita ligilo]
- University mourns student deaths Arkivigite je 2012-03-08 per la retarkivo Wayback Machine
- Accident kills 2 students from BGSU Arkivigite je 2016-03-05 per la retarkivo Wayback Machine
- 2 college students killed in Indiana van crash[rompita ligilo]
Eksteraj ligiloj redakti
- Memoroj pri Apsana Arkivigite je 2008-10-18 per la retarkivo Wayback Machine
- Funebro de Apsana Giri en YouTube