Établissement public de coopération intercommunale

Établissement public de coopération intercommunale (EPCI) (esperantlingve "Publika organizaĵo por interkomunuma kunlaboro") estas franca administra strukturo regata per la dispozicioj de la kvina parto de la ĝenerala kodo pri teritoriaj kolektivumoj, ariganta komunumojn, kiuj decidis komune zorgi pri kompetentecoj, kiaj publikaj transportoj, teritoria planado aŭ mediadministrado. La EPCI aparte multiĝis ekde la leĝo pri plifortigo kaj simpligo de interkomunuma kunlaboro, nomita "leĝo Chevènement" de julio 1999).

Tipoj de publikaj organizaĵoj pri interkomunuma kunlaboro

Vidu ankaŭ: Komunumaro en Francio

Eblas distingi du kategorioj de EPCI :

EPCI kun propra fisko

Tiuj interkomunumaj strukturoj rajtas kolekti imposton, laŭ formo de imposto aldonita al tiu de komunumoj, aŭ, en iuj kazoj, anstataŭ la komunumoj (Por ekzemplo : la unika profesia takso). Tio signifas, ke la EPCI voĉdonas pri la impostprocento kiun ili deziras, obeante al la leĝaj dispozicioj.

De la reformo de la teritoriaj kolektivumoj de 2010, la kategorioj de EPCI kun propra fisko estas la :

• komunumaroj de komunumoj,
• komunumaroj de aglomeraĵo, se ili arigas almenaŭ 50 000 loĝantojn. Plie, necesas esti almenaŭ unu komunumo kun pli ol 15 000 loĝantoj.
• urbaj komunumaroj, por la arigoj je pli ol 450 000 loĝantoj.
• metropoloj, kreitaj per leĝo de la 16-a de decembre 2010, por arigoj kun pli ol 500 000 loĝantoj, kiuj deziras zorgi pri pli da kompetentecoj ol la urbaj komunumaroj.

EPCI sen propra fisko

Inter ili estas :

• syndicat intercommunal je unika celo (SIUC), kiaj la :
  • interkomunumaj sindikadoj pri lerneja celo
  • interkomunumaj sindikadoj pri akvoprovizo
  • interkomunumaj sindikadoj pri elektrizado
  • interkomunumaj sindikadoj pri pluvakvo
  • interkomunumaj sindikadoj pri kolekto kaj prilaboro de kuirejaj ruboj (SICTOM).
  • interkomunumaj sindikadoj por diversaj celoj, kiaj akcepto de plejaĝuloj, akcepto de vartinfanoj...
• syndicat intercommunal je pluraj celoj (SIVOM)

Ekzistas ankaŭ miksaj sindikatoj, arigantaj komunumojn kun aliaj teritoriaj kolektivumoj. Naskiĝintaj en 2010, la metropolaj plusoj funkcias kiel miksaj sindikadoj.

Iliaj monrimedoj venas precipe de la kontribuoj de la komunumoj, kiuj estas membroj.

Nombro da EPCI en Francio

En la 1-a de januaro 2013, estis 2 456 EPCI kun propra fisko, disaj laŭ 1 metropolo, 15 urbaj komunumaroj, 213 komunumaroj de aglomeraĵo, 4 sindicadoj de nova aglomeraĵo kaj 2 223 komunumaroj el kiuj du en franca Polinezio.

Vidu ankaŭ

• Komunumaro en Francio
• Metropolo Granda Parizo

Eksteraj ligiloj

• Prezento de ministerio pri financoj
• Leĝo Chevènement Loi Chevènement
• Direkcio pri lokaj kolektivumoj de la minsterio pri enlandaj aferoj Arkivigite je 2009-03-03 per la retarkivo Wayback Machine
• TTTejo de "La Documentation française" Arkivigite je 2014-06-06 per la retarkivo Wayback Machine
• TTT-ejo de "Vie publique"
• mapo de EPCI en Francio je la 1-a de januaro 2011 kaj fine de junio (propono de la prefektoj)