Ĥonsu
Ĥonsu, luna dio en la egipta mitologio, rilatigita kun la medicino estis protektinto de la malsanuloj kaj kiu forigis la malbonajn spiritojn. Ankaŭ li reprezentis la fekudencon de la Tero, la ĝermopovon kaj la naskiĝojn. Li estas ankaŭ ligita al la tempopaso[1].
| Ĥonsu | |||||||||
|---|---|---|---|---|---|---|---|---|---|
 | |||||||||
| egipta dio • lundio | |||||||||
| Karakterizaĵoj | |||||||||
| Sekso | vira | ||||||||
| En hieroglifoj |
aŭ
| ||||||||
| Transskribo | Ḫnsw | ||||||||
| Kulto | |||||||||
| Patro | |||||||||
| Patrino | Mut | ||||||||
| En alia projekto | |||||||||
| Kategorio en Vikimedia Komunejo | Khonsu | ||||||||
Ĥonsu estis bildigita kiel marŝanta barbulo (Malnova imperio de Egiptio), kiu transformiĝas en mumiforman infanon, kronita per kreska luno kaj sundisko; kun ureo kaj flanka harvosto, kiel simbolo de la juneco; li portas vas-sceptron, kun ĝedo, ansa kruco, hekao (paŝtista bastono) kaj draŝilo, kaj kelkfoje la kolĉeno menato sur la brusto aŭ ĉe la manoj.
Ankaŭ li estis reprezentita kiel falkokapulo, kronata per la lundisko kaj kreska luno; aliaj variantoj, kiel paviano (konsiderata luna besto de la antikvaj egiptoj), bovo aŭ duobla bovo (en lia ĝermiga aktiveco kaj en la Duato)[2].
En malfrua epoko li estis reprezentita kiel "dio kiu forigas la malbonajn spiritojn", dio kuracisto.
Ĥonsu estas menciata en la Piramidaj tekstoj kaj en la Tekstoj de la sarkofagoj kiel agresema kaj kruela dio, kies prizorgo estis la nutrigo de la gedioj, helpi la faraonon en la ĉasado kaj protekti kontraŭ la malbonaj spiritoj. Ĥonsu estis luna dio kiu nokte vojaĝis tra la ĉieloj per sia boato.
En la teba triopo li aperas kiel filo de Amono kaj Mut. Lia ĉefa adorejo troviĝis en Karnak, ene de la te mplo de Amono. En Kom Ombo estis adorita kiel filo de Sobek kaj Hatoro.
Referencoj redakti
- ↑ Handbook of Egyptian Mythology, Geraldine Pinch, p156, ABC-CLIO, 2002, ISBN 1-57607-242-8
- ↑ "The Oxford Guide: Essential Guide to Egyptian Mythology", Edited by Donald B. Redford, pp. 186–187, Berkley, 2003, ISBN 0-425-19096-X