Baquerín de Campos
Baquerín de Campos [bakeRIN deKAMpos] estas municipo en la sudokcidento de la provinco Palencio, en la regiono Kastilio-Leono, Hispanio. Ĝi apartenas al la komarko Tierra de Campos. La hispanlingva vorto Baquerín estus laŭsone komprenebla kiel "Bovisteto" (vaquerín) kaj tiel estas komprenata foje de lokanoj, sed plej verŝajne etimologie ĝi devenas el mozaraba praloĝanto Ibakrim.
| Baquerín de Campos | |||
|---|---|---|---|
 | |||
| municipo en Hispanio | |||
| Administrado | |||
| Poŝtkodo | 34305 | ||
| En TTT | Oficiala retejo [+] | ||
| Demografio | |||
| Loĝantaro | 25 (2023) [+] | ||
| Loĝdenso | 1 loĝ./km² | ||
| Geografio | |||
| Geografia situo | 42° 1′ N, 4° 47′ U (mapo)42.016666666667-4.7830555555556Koordinatoj: 42° 1′ N, 4° 47′ U (mapo) [+] | ||
| Alto | 736 m [+] | ||
| Areo | 22 km² (2 200 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Baquerín de Campos [+]
| |||
Geografio redakti
Ĝia municipa teritorio okupas totalan areon de 22,11 km² kaj laŭ la demografia informo de la municipa censo fare de la INE en 2021, ĝi havis 26 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 400 loĝantojn el la jaro 1900. Ĝi distas 23 km de Palencio, provinca ĉefurbo.
La municipa teritorio estas ene de la birdoprotekta areo ZEPA nome La Nava - Campos Norte apartenanta al la Reto Natura 2000.
Historio redakti
La areo apartenis unue al la Regno Kastilio. En Mezepoko okazis reloĝado. La plej frua mencio estas de 1345, kaj en ĝi oni citis Baquerín kiel Baréin.
Aktualo redakti
Tradiciaj enspezofontoj estis agrikulturo (cerealoj kaj vitejoj) kaj brutobredado (ŝafoj). Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis diversaj vizitindaj vidindaĵoj kiel la preĝejo de Santa María de Arbis.