Bazo

Bazo en ĝenerala lingvouzo signifas (laŭ ReVo):

1) Malsupra subportanta parto de objekto:
bazo de turo, de vazo, de statuo, de monto, de triangulo, de vegetaĵo; arĝentajn bazojn li faris sub la dudek tabuloj [1]; el malnova bazo novaj plantidoj kreskas ^Z. Vidu: fondo, fundo, fundamento, grundo, piedestalo, soklo.

2) (figure) Esenca, fundamenta principo:
bazo de teorio; la justeco estas la bazo de socio; volo, laboro, obstino estas la bazoj de sukceso.
Sinonimoj: esenco, fundo, fundamento, kerno, kvintesenco

---

Bazo ankaŭ fariĝis fakesprimo en diversaj sciencoj kaj teknikoj:

• en arkitekturo kiel fundamento aŭ simple bazo
• en matematiko
  • Bazo (lineara algebro) estas minimuma aro de vektoroj, kiuj, kiam kombinitaj, povas adresi ĉiun vektoro en donita spaco.
  • Bazo estas unu el du argumentoj de logaritmo, supereksponento, superlogaritmo
    • e (matematiko) estas bazo de la natura logaritmo.
  • Bazo (nombrosistemo)
  • Bazo (grupa teorio)
• en tekniko
  • Bazo estas parto de transistoro.
• en kemio
  • Bazo (kemio) estas kemia substanco, kiu povas ricevi protonojn, do kemia kontraŭulo de acido (acido/bazo-sistemo).
• en armeorganizado
  • Militbazo estas armea teritorio (ankaŭ ekster la propra lando), por kolekti kaj organizi armilojn kaj trupojn.