Baztrunko

Baztrunko aŭ greftobazo^[1] estas necesa ĉe la greftado de planto, ofte lignoplantoj. Ĝi konsistas el radikoj de la planto kaj parto de la planttigo. Sur la baztrunko oni greftas per diversaj metodoj alian kultivaron de la sama botanika familio. Nur ĉe parencaj plantoj la greftado sukcesas kaj la kambiumoj de ambaŭ plantpartoj kunkreskas. La plantparto, kiun oni surgreftas estas nomata greftaĵo aŭ greftbranĉeto. Ĝi venas de la kultivaro, kiun oni volas multigi. Ekzistas multaj teknikoj por greftado. Vidu la ĉefartikolo greftado.

dujaraĝa grefto de pomarbo,la iom dikiĝinta kunkreskejo estas bone videbla. Supre la greftaĵo kaj malsupre la baztrunko

La baztrunko liveras al la dezirata kultivaro ne nur akvon kaj nutrosalojn, sed havas grandan influon sur la kultivaro. Ĝi influas la kreskon, fruktgrandecon, fruktkoloron, maturiĝtempon, kaj la floradon de la arbo.

La baztrunko estu precipe de la sama genro aŭ specio kiel la greftaĵo.

Greftekzemploj:

roztrunketo. greftado de trunkforma baztrunko kun multefloranta greftaĵo.
por pomoj oni ofte uzas malforte kreskantaj baztrunkoj, plej ofte M9 aŭ M27
por ricevi malgrande restantajn pirarbojn oni uzas kiel baztrunko cidonio
la baztrunko ĉe vito kunportas la rezistadon kontraŭ filoksero (vinlaŭso).

Trunkformantoj

Ĉe pomoj oni ofte ankaŭ greftas tiel nomatan „trunkformanton“ inter baztrunko kaj greftita kultivaro. Kelkaj kultivaroj ne formas rektan trunkon aŭ la trunko estas tre frostsentemaj.

Referencoj

↑ Laŭ NPIV

Literaturo

Heiner Schmidt: Veredeln der Obstgehölze. Eugen Ulmer, 1998, 5-a eldono, ISBN 3-8001-5536-2
Franz Mühl: Alte und neue Obstsorten. Obst und Gartenbauverlag München, 1991, ISBN 3-87596-093-9
Herbert Petzold: Apfelsorten. Neumann, 1990, 4-a eldono ISBN 3-7402-0075-8
Walter Feucht: (1982) Das Obstgehölz. Verlag Eugen Ulmer GmbH, ISBN 3-8001-5519-2

Eksteraj ligiloj

pri greftado de tomatoj, melongenoj kaj kukumoj (germane)

[1] Laŭ NPIV

[1]