Blazono de Sorio
La Blazono de Sorio havas la jenan heraldikan priskribon:[1]
La fono estas gorĝo (ruĝa), sur kiu montriĝas kastelo, de arĝento, kun tri krenelturoj, kun nigraj linioj kaj pordo kaj fenestroj de lazuro (blua) kaj el ties ĉefturo eliras busto de reĝo kronita el oro kun siaj atributoj; la randobendo estas arĝenta kun la jena diraĵo: "Soria Pura Cabeza de Estremadura", skribita per nigraj literoj. Tio aludas al la grava rolo kiun ludis la urbo en la epoko de la Reconquista de Kastilio kontraŭ la araboj kaj ĉefe de la teritorioj sude de la rivero Doŭro, kies trairon ĝi kontrolis.