Blazono de Svazilando
ŝtata blazono
La ŝtata blazono de Svazilando estas en uzo ekde 1968, kiam la ŝtato Svazilando ekestis post la epoko de brita koloniado.
| Blazono de Svazilando | |
|---|---|
 blazono de Svazilando
| |
| Lando: |  Svazilando
|
| Uzata ekde: | 1968 |
La blazono prezentas diversajn simbolojn de tradicia svazia kulturo. La leono reprezentas la Reĝon de Svazilando kaj la elefanto reprezentas la patrinon de li, tradicie kunreganta kun sia filo, la reĝo. La du bestoj apogas tradician ŝildon kiu reprezentas "protekton". Super la ŝildo estas la reĝa krono de plumoj, normale portata dum la festivalo de la rikolto. Sur rubando sub la ŝildo estas la nacia moto de la lando, Siyinqaba, kun la signifo, "Ni estas la fortikaĵo".
