Bohuslava Pelclová

Bohuslava PELCLOVÁ (naskiĝis la 14-an de novembro 1922) estas ĉeĥa esperantistino, honora membro de ĈEA.

Samideanino Bohuslava Pelclová, esperantistiĝis jam emerita, la unuan informon pri Esperanto ŝi aŭdis en radio elsendado. Finstudis korespondan kurson, poste ankoraŭ partoprenis diversajn kursojn kun ekzamenoj, ankaŭ en Slovakio, kaj en Bulgario ŝi ricevis ateston pri matureco. Kvankam ŝi vivas en Šternberk, ŝi aktivas en EK Olomouc, instruis Esperanton en la klubo, sed ankaŭ en religia lernejo Catiras. Ofte partoprenis diversajn aranĝojn kaj kongresojn. Ĝis nun ŝi preskaŭ regule partoprenas aranĝojn en la tuta respubliko, kaj ofereme akompanas handikapitan amikinon D. Vokáčová. Ŝi estas konvinkita, ke Esperanto donis al ŝi multon – bonegan aktivecon en emerita aĝo.