Centra Perigordo

Centra Perigordo estas natura regiono de Francio situanta en Akvitanio, centre de departemento Dordogne. Tio estas la regiono situanta ĉirkaŭ Périgueux kaj nur parto de la turisma regiono nomita Blanka Perigordo.

Geografio

Situo

Centra Perigordo lime de la komunumoj Blis-et-Born kaj Montagnac-d'Auberoche.

Centra Perigordo situas centre de departemento Dordogne. Ĝi estas ĉirkaŭata norde per Nontronio, oriente per la akvokolekta areo de rivero Brive, sude per Nigra Perigordo kaj Berĝerakio kaj okcidente per Landais, Double kaj Riberakio.

Sude de Centra Perigordo estas Vernois (aŭ Lando Vergt) ; ĝi estas la alta valo de rivero Vern. Ankaŭ sude, sed pli oriente, la rivereto Manoire poste la vilaĝo Lardin-Saint-Lazare konsistigas la limon kun Nigra Perigordo. Oriente, estas la Lando Hautefort kaj la Lando Ans ; post la vilaĝo Coubjours komenciĝas la akvokolektareo de rivero Brive. Norde, la limo kun Nontronio estas malpli preciza ; ĝi situas je la nivelo de vilaĝoj Excideuil, Corgnac-sur-l'Isle, Saint-Jean-de-Côle kaj Saint-Front-la-Rivière. La rivero Dronne estas la okcidenta limo de la lando.

Distingo inter Centra Perigordo kaj Blanka Perigordo

La nocio Centra Perigordo ŝajnas malpli uzata nuntempe. La departementa Konsilio de Dordogne promocias nuntempe la turisman regionon Blanka Perigordo. Tiu ĉi kovras nur la areon de Perigueux, la landon Vergt kaj la valon de rivero Isle ĝis Montpon-Ménestérol situantaj en Double kaj en Landais. La du regionoj estas do malsamaj.

Topografio

La lando konsistas el vasta aro de kalkaj montetoj apartigitaj per valoj de riveroj Isle, Beauronne, Loue kaj Vern. La herbejoj alternas kun la arbaroj de kaŝtanarboj, kverkoj aŭ pinoj.

Lokoj kaj monumentoj

• Abatejo Notre-Dame de Chancelade
• Abatejo Saint-Pierre-ès-Liens
• Kastelo de Lieu-Dieu
• Kastelo de Ajat
• Kastelo de Badefols-d'Ans
• Kastelo de Bories
• Kastelo de Caussade
• Kastelo de La Chapelle-Faucher
• Kastelo de Essendiéras
• Kastelo de Excideuil
• Kastelo de Rognac
• Priorejo de Merlande (komunumo La Chapelle-Gonaguet)

Vidu ankaŭ

Vidu ankaŭ

• Blanka Perigordo
• Lando de Islo en Perigordo
• Arondismento Périgueux
• Perigordo
• Dordogne (departemento)