Christof Krick

Christof KRICK [kristof krik] (* 1973) estas germana esperantisto kiu venas origine el Meschede (Saŭrlando).

Li eklernis Esperanton en 1999. En 2001 li fondis la Esperanto-muzikgrupon "La Kuracistoj", por kiu li tradukis entute naŭ kantotekstojn.

Post kelkaj jaroj li fariĝis unu el la organizantoj de la ĉiujara Internacia Seminario de Germana Esperanto-Junularo. Nun li estas estrarano de Germana Esperanto-Asocio; lia laborkampo estas edukado de Esperanto-instruistoj. Krome li estas kasisto kaj membroadministranto de Asocio de Germanaj Esperanto-Instruistoj [1], la germana sekcio de ILEI.

Christof Krick estas diplomita komputisto. Li nun loĝas en Winterberg kaj laboras kiel gimnazia instruisto de matematiko kaj komputiko.

Notoj, referencojRedakti

  1. Retpaĝo de Asocio de Germanaj Esperanto-Instruistoj (AGEI)

Eksteraj ligilojRedakti