Discogs, mallongigo de discographies (diskografioj), estas la plej granda retejo/bazarejo kaj datumbazo kun informojn pri muzikaj registraĵoj, komercaj kaj nekomercaj. La datumbazo funkcias kiel vikio: uzantoj povas mem aldoni aŭ ŝanĝi la informojn. Senpaga registriĝo necesas por tio. Ĝi estis kreita en oktobro 2000 de Kevin Lewandowski (programisto kaj muzikamanto) kiel datumbazo de sia privata diskokolekto.

Entute pli ol 11 milionoj de publikigitaj diskoj, kompaktdiskoj kaj similaj troveblas en la datumbazo de ĉirkaŭ 6 100 000 artistoj kaj pli ol 1 300 000 diskoeldonejoj[1].

En 2005 la retejo pligrandiĝis per interreta bazarejo, kie vendistoj povas vendi nur sonilojn (diskojn, kompaktdiskojn, ktp.), kiuj estas en la datumbazo[2].

La serviloj de Discogs estas gastigitaj sub la domajna nomo discogs.com de Zink Media, Inc. sur datumbaza servilo en la usona urbo Portlando[3]. La domajna nomo discogs.com estis registrita en oktobro 2000. Unu monaton poste Discogs estis lanĉita[4].

Vidu ankaŭRedakti

Last.fm

Muzaiko

Eksteraj ligilojRedakti

(en) Oficiala retejo

(de) David Garber, Wie Discogs die wichtigste Plattenbörse der Welt wurde, Vice, la 21-an de aprilo 2017

ReferencojRedakti

  1. (en) Discogs: Database and Marketplace for Music on Vinyl, CD, Cassette and More.
  2. (en) Lewandowski, Kevin, Discogs: Bootstrapped, Profitable & Proud, la 1-an de februaro 2013.
  3. (en) Informoj pri la retejo de Discogs, Who is.
  4. (en) Carnes, Richard, Discogs: Vinyl revolution, Resident Advisor, la 26-an de marto 2010.